Eusko Jaurlaritzak eta hiru aldundiek 120 milioi euro inbertituko dituzte teknologia kuantikoetan 2028ra arte
Eusko Jaurlaritzak eta hiru foru aldundiek 120 milioi euro baino gehiago inbertituko dituzte teknologia kuantikoetan, 2028ra arte, Basque Quantum aliantzaren baitan.
Basque Quantum proiektuak hainbat ekintza aurreikusten ditu, besteak beste, Ikerbasque eraikin berria, DIPC eraikin berria, Ikerketa-laborategi berriak, IBM-Euskadi Quantum Center, Nazioarteko ikerketa proiektuak eta zentroak erakartzeko programa, Hezkuntza programak eta talentua erakartzeko programak indartzea, Kuantikari lotutako berrikuntza publikoa eta pribatua bultzatzea Europa hegoaldean.
Ikerbasqueren Donostiako etorkizuneko eraikinean kokatuko da, hain zuzen ere, IBM teknologia enpresaren munduko seigarren superordenagailu kuantikoa. Gaur egun, era honetako bost ordenagailu ditu munduan (Ameriketako Estatu Batuetan, Alemanian, Japonian, Kanadan eta Hego Korean); beraz, Gipuzkoako hiriburukoa seigarrena izango da.
Iragan astean IBMk eta Ikerbasque Fundazioak sinaturiko akordioak 50,8 milioi euroko inbertsioa aurreikusten du Eusko Jaurlaritzaren finantzazioaren bitartez. Zenbateko horri foru aldundiek proiektua beren lurraldeetan garatzeko helburuarekin egingo duten ekarpena gehitu behar zaio, bai azpiegiturak eraikitzeko eta baita ikerketa beharrei erantzun ahal izateko ere. Guztira, Basque Quantum proiektuak 120 milioi eurotik gorako zuzeneko inbertsioa aurreikusten du 2028ra arte.
Iñigo Urkullu lehendakaria buru zela, Basque Quantum aliantzaren aurkezpen ekitaldia izan da gaur goizean Donostian, hiru ahaldun nagusiak, Jokin Bildarratz Hezkuntza sailburua eta IBMko ordezkariak bertan zirela.
Urkulluk bere hitzaldian azpimarratu duenez, Euskadik bere ezagutza jarriko du ordenagailu kuantikoaren teknologia garatzeko helburuarekin. "IBMk Euskadiren alde egindako apustua gure zientzia, teknologia eta berrikuntza sistemari egindako aitorpena da", gaineratu du.
Lehendakariak onartu du zaila dela ordenagailu kuantikoak etorkizunean ekarriko duena aurreratzea. Edonola ere, etorkizun horretarako prest egon behar dela nabarmendu du.
Bestalde, IBM Researcheko mundu mailako zuzendariak adierazi du Euskadi konputazio kuantikoaren Silicon Valley izango dela: "Euskadi Silicon Valley bezain garrantzitsua izango da konputazio kuantikoaren historian".
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.