VW Nafarroak Polo modeloa ekoizteari utziko dio datorren urtean, eta langileei bi urteko ziurgabetasuna ekarri
Volkswagen konpainiak Polo modeloa ekoizteari utziko dio datorren urtean Nafarroan, 40 urteren ostean, eta, horrela, bi urteko ziurgabetasuna irekiko da langileentzat. Izan ere, 2026an lehen ibilgailu elektrikoa ekoizten hasi arte, langileen erdiak lan kargarik gabe geratuko direla ohartarazi dute sindikatuek.
Carlos Zalduendo langile batzordeko presidenteak (CCOO) azaldu duenez, zuzendaritzak gaur baieztatu die langileek aspalditik modu ez ofizialean bazekitena: 40 urteren ostean, Polo modeloaren ekoizpena amaitu egingo dela Iruñeko lantegian 2024an.
Horren ildotik, ibilgailu elektrikorako trantsizio prozesu horretan, bi faktorek izango dute eragina ekoizpenean hurrengo urteetan: batetik, lantegia egokitzeko egin beharreko geldialdiak (2024an bertan hasiko omen dira), eta, bestetik, isuriak mugatzeko 2025ean indarrean sartuko diren muga europar berriak. Langileen ustez, muga horien ondorioz, ekoizpena murriztu egingo dute enpresek, inbertsio handiak egin beharko dituztelako lantegietan egokitzapenak egiteko.
"Segur aski, 2024an geldialdi luzeak egin beharko ditugu udan eta neguan; gainera, astean behin itxi beharko dugu, ostiraletan adibidez", aurreikusi du Zalduendok.
Nolanahi ere, 2026tik aurrera egoera zeharo ezberdina izango dela gaineratu du: "Enplegu gehiago izango dugu".
Otsailean, Volkswagenek baieztatu zuen 1.024 milioi euroko inbertsioa egingo duela Nafarroan 2023 eta 2027 bitartean, Landabengo lantegian ibilgailu elektrikoak ekoizteko. Foru erkidegoaren historiako inbertsio handiena izango da.
Zure interesekoa izan daiteke
Tubos Reunidoseko Amurrioko eta Trapagarango batzordeek bilera egingo dute astelehen honetan, EEEaren inguruko jarrera erabakitzeko
Enplegu Erregulazio Espedienteak bi lantokiri eragiten dien arren, enpresak espediente bakar gisa negoziatu nahi du. Horregatik, jarrera komun bat ezarri nahi dute bi batzordeek.
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.
KPIa bost hamarren moteldu da espainiar estatuan urtarrilean, % 2,4raino
Hiru hilabetez jarraian jaitsi da KPIa, 2025eko urrian azken 16 hilabeteetan izandako igoerarik handiena ( % 3,1) jasan ostean.
Lanbide arteko gutxieneko soldata % 3,1 igotzea adostu du Espainiako Gobernuak CCOO eta UGT sindikatuekin
CEOE eta Cepyme patronalek ez dute igoera babestu. Lanbide arteko gutxieneko soldata hilean 1.221 eurokoa izango da (14 paga), 518 euro gehiago urtean, eta neurriak atzerako eragina izango du 2026ko urtarrilaren 1etik aurrera.
Traktoreak kalera atera dira gaur Bilbon, Iruñean eta Gasteizen, EBren eta Mercosurren arteko akordioaren aurka
Bilbon San Mameseko zabalgunean elkartu dira 10:00etan, Gasteizen 10:30ean irten dira Eusko Jaurlaritzaren egoitzatik, eta Iruñean manifestazioa egingo dute, 17:00etan, Baluarteko plazatik abiatuta.