Abian da Nafarroan 2022ko errenta kanpaina
Nafarroan, abian da 2022ko errenta kanpaina. Gaur hasi eta datorren ekainaren 23ra arte egin ahalko dute zergadunek errenta aitorpena. Aurten, gainera, bada berritasunik. Izan ere, % 2ko deflaktazioa aplikatuko dute, inflazioak zergadunengan duen eragina gutxitzeko.
Hala, gaurdanik, renta.navarra.es web orrian egongo dira kontsultagai Ogasunak egindako errenta proposamenak, eta aitorpenak Internet bidez aurkezteko epea ere gaur bertan ireki dute.
Bestalde, apirilaren 18an zabalduko dute errenta aitorpena telefono bidez aurkezteko epea. Ekainaren 23ra arte egongo da horretarako tartea, eta beharrezkoa izango da aurretiko hitzordua hartzea (apirilaren 14tik aurrera, renta.navarra.eus web orrian).
Bien bitartean, aurrez aurreko aitorpenak aurkezteko epea ere horixe bera izango da (apirilaren 18tik ekainaren 23ra), Iruñea, Tutera, Lizarra, Tafalla eta Doneztebe udalerrietako bulegoetan. Kasu horretan ere, nahitaezkoa izango da aurretiko hitzordua hartzea, apirilaren 14tik aurrera, Internet bidez edo 948 505 505 edo 948 505 506 telefonoetara deituta.
Beste edozein tramite egiteko nahiz datu fiskalak kontsultatzeko, arreta zerbitzua emango du Ogasunak 948 106 106 telefonoan.
Dagoeneko 203.145 proposamen egin ditu Nafarroako Ogasunak. Horietatik 136.444k (% 67) zergadunaren aldeko emaitza eman dute. Guztira, 104,3 milioi euro itzuliko ditu Ogasunak aurten.
Albiste gehiago ekonomia
Hiru behargin hil dira lanean 24 orduan
LAB sindikatuak salatu duenez, bi langile hil dira basogintza lanetan, Altsasun (Nafarroa) eta Eskoriatzan (Gipuzkoa), eta beste bat istripu ez traumatikoan, Donostian.
Donostiako Gizarte Ekintzako greba bertan behera utzi dute, aurreakordioa itxi ostean
Akordioa azken hilabeteetan mobilizazio ugari eta 12 greba egun egin ondoren erdietsi da. Lan-gatazka urte hasieran hasi zen.
800 alegazio aurkeztu dituzte Mandoiako Feroskana parke eolikoaren aurka, Arratian
200 metroko altuera eta 27 megawtteko potentzia duten sei aerosorgailuz osatutako parke honek Usansolo, Igorre edo Lemoa bezalako udalerriei eragin diezaieke, baita herri txikiagoei ere.
Gobernuak onartu du BBVA Sabadellen jabe izateko EEPa, baina bat-egitea hiru urte barru gauzatuko litzateke
Carlos Cuerpo Gobernuak Ministroen Kontseiluaren osteko prentsaurrekoan iragarri duenez, Gobernuak operazioa onetsi du, baldintza jakin batzuekin. Horrela, bi erakundeek nortasun juridikoa eta ondarea bereizita mantendu beharko dituzte, eta autonomia osoz jokatu beharko dute kudeaketan, hiru urtez. BBVAk eskaintzarekin jarraitzen duen, bertan behera uzten duen edo Gorenean errekurtsoa jartzen duen erabaki beharko du orain.
Bizkarrak bere 12 dendak eta bi lantegiak itxiko ditu ekainaren 30ean
Dendak ditu Galdakaon (5), Bilbon (3), Usansolon (2), Basaurin (1) eta Lemoan (1), bai eta bi lantegi ere, okindegia bata eta gozotegia bestea, biak Usansolon.
45 urteko langile bat hil da Altsasun, zuhaitzak mozten ari zela adar bat gainera erorita
Behargin errioxarra baso lanetan ari zela adar bat erorita hil da. Bertara iristeko zaila den baso batean gertatu da ezbeharra, Auntzetan. LAB sindikatuak salatu duenez, aurten dagoeneko 29 behargin hil dira Euskal Herrian.
José Antonio Jainagak jasoko du aurtengo Joxe Mari Korta Saria
Uztailaren 10ean Donostian jasoko du saria Jainagak, Imanol Pradales lehendakaria buru izango duen ekitaldi batean.
Lezoko Interal enpresak bi greba egun deitu ditu, Enplegu Erregulazioko Espedientea ezarri eta 226 langileetatik 85 kaleratuko dituztela salatzeko
Langileen batzordeak ekainaren 26rako eta uztailaren 2rako deitu ditu greba egunak, eta uztailaren 8tik aurrera greba mugagabea hasteko aukera ere aurreikusi du.
CCOOk Unai Sordo berrautatu du idazkari nagusi, botoen % 96,1ekin, bere azken agintaldia izango denerako
Comisiones Obrerasek Unai Sordo aukeratu du berriro datozen lau urteetan sindikatuko buru izateko. Hautaketaren osteko lehen hitzaldian, ustelkeriaren aurka borrokatzeko eskatu du, eta lanaldi-murrizketaren aldeko mobilizazioak iragarri ditu.
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.