Lehortea, elikagaien salneurrien etsai
Erosketak egitea buruhauste handia bilakatu da aspaldian familia askorentzat, elikagaien prezioek gora eta gora egin baitute 2021eko udazkenetik. Lehendabizi, Covid 19aren pandemiaren ondorengo garraioen blokeoa eta erregaien prezioen igoera izan zen arrazoia. Ondoren, Ukrainako gerraren ondorioz, zereal eta ongarrien eskasia etorri zen.
Azken urtean, olioen salneurria % 30 baino gehiago hazi da, arrautzena eta esnearena % 25, ogia eta zerealena % 19 baino gehiago, eta abar.
Elikagaien prezioak 2022an.
Urte hasieran, Gobernuak elikagai batzuen BEZa jaitsi zuen. Ondoren, erregaiak eta ongarriak ere merkatu dira. Horrek guztiak elikagaien prezioen gorakadaren amaiera zetorrela pentsarazi zigun, baina beste faktore bat sartu da orain tartean: lehortea.
Lehen begiratuan, berde kolorez jantzita ikusten ditugu Arabako hainbat bailaratako soroak. Gertuagotik begiratu ondoren, ordea, argi ikusten da gari, garagar edota koltza sailak egarriak daudela.
Bailara askotan, dagoeneko galdutzat eman dituzte labore horien uztak. Garlan kooperatibako teknikaria den Josu Hernandez Argoteren hitzetan, gutxienez, iazkoa baino % 40 urriagoa izango da aurten zerealen uzta. Koltzaren kasuan, berriz, Gaubea inguruan, % 100a galdu dute.
Bestetik, udako laboreak (patata, erremolatxa, lekaleak…) ereiteko garaian murgilduta daude nekazariak. Horien soroak ureztatu egin behar izaten dira. Alabaina, iazko urtea eta joan den negua oso lehorrak izan dira, eta urtegiak garai honetan ohikoa dena baino hutsago daude. Aurrerantzean euria egiten ez badu, argi dago ez dela ur nahikorik egongo normalean ereiten diren hektarea guztiak ureztatzeko.
Egoera honetan, gutxiago ereiten ari dira nekazari asko. Badaezpada ere, ahalik eta inbertsio txikiena egitea erabaki dute, egon litezkeen galerak jasan ahal izateko. Gero itxaron egin beharko da ereindakoak uzta emango duen ala ez ikusteko. Baina dagoeneko jakina da hurrengo hilabeteetan gure lurretako garia, garagarra, ilarra, patata, erremolatxa eta lekale gutxiago izango dela merkatuan.
Ingurumari honetan, ekonomian adituak direnek gauzak argi dituzte. Merkatuaren oinarria den eskaintza eta eskariaren printzipioa betetzen bada, zaila izango da elikagaien prezioek beheranzko bidea hartzea hurrengo hilabeteetan.
Zure interesekoa izan daiteke
ELAri kalte-ordaina eman beharko dio Tubos Reunidos Threadsek greba eskubidea larriki urratzeagatik
Enpresak greban zeuden langileak plantillako beste langile batzuekin ordezkatu zituela egiaztatu zuen Lan Ikuskaritzak eta EAEko Justizia Auzitegi Nagusiak ondorio hori berretsi du.
CAFeko langile batzordeak eskatu du kontratuak kalitatezko enplegua ekar dezala "langileentzat eta azpikontratentzat"
Mikel Fernandino LAB sindikatuko ordezkariaren esanetan, albistea oso ona da, eskaria "bolumen handikoa" eta "Europakoa" delako.
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.