Gipuzkoako enpresen % 34k aurtengo hazkunde aurreikuspenak hobetu dituzte eta % 50ek egonkortasuna espero dute
Gipuzkoako enpresa gehienak urte hasieran baino baikorrago daude orain, eta "enplegu eta inbertsio aurreikuspen gehienak positiboak dira". Enpresen % 34k aurtengo hazkunde aurreikuspenak hobetu dituzte, % 50ek egonkortasuna aurreikusi dute, eta enpresen % 16k jarduera murriztuko dutela aurreratu dute.
Gipuzkoako Bazkundeak maiatzean lurraldeko 400 enpresatan egindako inkestaren emaitzak jakinarazi ditu gaur goizean Donostian, eta bertan izan dira Javier Zubia idazkari nagusia eta Iñigo Muguruza marketing eta berrikuntza zuzendaria.
Muguruzak azaldu duenez, sektorez sektore emaitzak nahiko homogeneoak izango dira. Eraikuntza sektoreak ditu aurreikuspen baikorrenak eta txikizkako merkataritzak, ostera, ezkorrenak, nahiz eta, aldi berean, sektore hori den urte hasieratik bere aurreikuspenak gehien hobetu dituena.
Zubiaren eta Muguruzaren arabera, enpresen % 74k enplegua mantentzea espero dute, % 19k handitzea eta % 7k, berriz, kontrakoa.
Inbertsioari dagokienez, aurreikuspenak positiboak dira Gipuzkoan. Hurrengo hilabeteetan inbertsioak handitzea aurreikusten duten enpresak % 23 dira, urte hasieran baino % 9 gutxiago. Hala ere, horiek murrizteko asmoa duten enpresen kopurua % 9tik % 10era hazi da.
Euren jarduera gehien baldintzatzen duten faktoreez galdetuta, enpresa gehienek irabazi tarteen murrizketa eta lan kostuak aipatu dituzte. Eraikuntzan, ordea, eskulan kualifikatuaren falta ageri da lehen lekuan eta industrian hirugarren lekuan agertzen da energia eta lehengaien prezioa.
Zure interesekoa izan daiteke
Guardian eta Glavista enpresen itxiera saihesteko akordioa, gertu; VSF eta Gaviota konpainien bidez
Aiaraldeko bi enpresek, elkarren artean estuki lotuta, 170 eta 240 langile zituzten, hurrenez hurren.
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako ogasunek egindako autolikidazio proposamenak onartu edo aldatu ditzakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 lagunek inguru egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea Rentafacil izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.