Bilboko Udalak % 3 igoko ditu udal tasak eta zergak 2024an
Bilboko Udalak % 3 igoko ditu tokiko erakundearen menpe dauden 2024ko zergak eta tasak. Pandemia tarteko, hiru urtez izoztuta egon dira zergak. Datorren urteko igoera horrekin, 5,2 milioi euro batuko ditu Udalak.
Udalak gobernu batzordearen bileran onetsi du tasak eta zergak eguneratzea, Udalak eskaintzen dituen "zerbitzuen kalitateari eusteko". Izan ere, kostuek gora egin dute, lehengaiak garestitzeaz gain, energia krisiaren eta lan-kostuen garestitzearen ondorioz.
Marta Ajuria Ogasun zinegotziak ohar baten bidez azaldu duenez, "eguneratze honek ez du berdinduko ematen ditugun zerbitzuetan izan den kostu emendatzea, hala ere, nahi dugu ahalik eta txikiena izatea herritarrei ekarriko dien eragin fiskala". Horrela, ondasun higiezinen gaineko zerga (OHZ) batez beste euro bat eskas garestituko dela azpimarratu du. Adibide aipatuta, urteko garestitzea 3 eurokoa izango da Uretamendin, 5 eurokoa Begoñan eta Otxarkoaga-Txurdinagan, eta 6 eurokoa Deustun.
Berrikuntzen artean, berreskuratu egingo dute kide anitzeko familientzako OHZaren hobaria, eta ehunekoak ere bereizi egingo dira katastro-balioen arabera, salbu baliorik handienekoen kasua. Udalaren kalkuluen arabera, 1.500 familia ingururi egingo die mesede neurriak.
Horrez gain, orain arte egiten ez bazen ere, pisu turistikoei etxebizitza hutsen gaineko errekargua (% 25) aplikatuko zaie. Halaber, Zorrotza Puntan ikus-entzunezkoen ekoizpenarekin zerikusia duten instalazioak eraikitzeko neurriak hartuko dituzte.
Igoeren artean bada salbuespena: ostalaritzaren kasuan, eutsi egingo zaie terrazen gaineko tasei, baita espazioa okupatzen denean (aldamioak edo hesiak jarrita) kobratzen diren tasei ere.
EAEn tasak igo dituen bigarren hiriburua da Bilbo. Hilabete hasieran, Donostiako Udalak antzeko igoera iragarri zuen: % 4 garestitu zituen Higiezinen eta Zirkulazio zergak, eta % 5 ur eta hondakinen tasa eta TAO zerbitzua.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.