Nafarroako familiek 328 euro gastatuko dituzte eskolara bueltan
Nafarroako gurasoek 328 euro gastatuko dituzte batez beste seme-alaben eskolara bueltarako, hau da, aurreko urtean ordaintzea pentsatu zutena baino 16 euro gutxiago.
Hala erakusten du Irache Nafarroako Kontsumitzaileen Elkarteak eskatutako inkesta batek. Era berean, elkarteak garai honetan ere "kontsumo arduratsua" egitera eta ikasturtea hasteko adingabeek dituzten benetako beharrei erantzungo dieten erosketak aukeratzera animatu ditu gurasoak.
Gastuaren zenbatespen orientagarria baino ez da, etxe bakoitzak hartzen dituen zirkunstantzien eta erabakien araberakoa baita, Irachek ohar batean ohartarazi duenez. Hauek dira egiten diren gastu nagusiak:
- Arropa: Ikastetxeetako uniformeen prezioak aldatu egiten dira adingabearen adinaren eta eskatutako neurriaren arabera, baina jaka batez, polo batez eta galtza batzuez osatutako konjunto batek ez du 65 euro baino gutxiago balio, eta horri zapatak gehitu behar zaizkio. Prezio horiek guztiak nabarmen igo daitezke kirol arropa ere erosi behar bada, eta horrek beste 70 euro ekar ditzake, oinetakoak kontuan hartu gabe.
- Liburuak: Printzipioz, Lehen eta Bigarren Hezkuntzako zikloetako ikasleek testuliburuen doakotasun programetara jo dezakete.
Nolanahi ere, programa horri uko egiten dioten gurasoentzat, testuliburuen kostua 85 eta 125 euro artekoa izango da gutxi gorabehera haur hezkuntzako ikasle batentzat. Honako hauek dira Administrazioak testuliburuengatik ematen dituen gehieneko zenbatekoak: 97 euro Lehen Hezkuntzako lehen mailan eta bigarrenean; 133 euro Lehen Hezkuntzako hirugarren mailatik seigarrenera; 223 euro Bigarren Hezkuntzako lehen mailatik laugarrenera bitarteko ikasle bakoitzeko.
- Eskola materiala: Gainerako eskola materialari dagokionez, produktu batzuen eta besteen artean aldeak daude prezioan, ereduaren, markaren eta aukeratutako establezimenduaren arabera. Izan ere, egiaztatu ahal izan denez, adibidez, 7,95 eurotik topatu daitezke motxilak, baina badira 190 euroko modeloak ere.
Beste artikulu batzuetan ere alde nabarmenak daude. Oro har, kutxatilen, boligrafoen, arkatzen eta pinturen gastua 40 eurotik gorakoa izan daiteke.
- Eskola garraioa: Itunpeko ikastetxeetan, eskola garraioa 100 eta 120 euro artekoa izaten da hilean, egunero joan-etorria egiteagatik. Joan-etorrien, ikasleen eta anai-arreben kopuruaren arabera aldatu ohi dira tarifak.
- Jantokia: Gastua aldatu egiten da ikastetxearen eta haurra bazkaltzeko geratzen den egun kopuruaren arabera. Ikaslea egunero joaten denean, hilean 105 eta 150 euro bitartekoa izaten da. Tarifek ere gora edo behera egin dezakete izena emandako ikasleen arabera.
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.