Ondarearen zergarik gabe eta Espainiako araua aplikatuta, bilketa erdia litzateke Gipuzkoan Mendozaren arabera
Gipuzkoan ondarearen gaineko zergarik ez balego eta Espainiako Gobernuak onartutako aberastasun handien gaineko zerga bere horretan aplikatuko balitz, foru ogasunaren diru bilketa oraingoaren erdia litzateke, Eider Mendoza Gipuzkoako ahaldun nagusiaren arabera. Euskadi Irratiko "Faktoria" saioan eskaini duen elkarrizketan azaldu duenez, gaur egun Gipuzkoan 8.500 aitortzailek ordaintzen dute ondarearen gaineko zerga eta, batez beste, 70 milioi euroko ekarpena egiten dute urtero. Aitzitik, Espainiako araua bakarrik aplikatuz gero, 800 aitortzaile izango lirateke, eta bildutako dirua, erdia. Kopuruetan dagoen aldeari dagokionez, Mendozak esan du Gipuzkoan 700.000 eurorik aurrera zergapetzen dela eta Espainian, ostera, 3 milioi eurotik gora.
Aberastasuna handien gaineko zergaren inguruko eztabaidak indarra hartu du, izan ere, Arabako, Bizkaiko eta Gipuzkoako Foru Aldundiek urtea amaitu arteko epea dute foru arauak Espainiako Gobernuak onartutako markoaren arabera egokitzeko. Eider Mendoza Gipuzkoako ahaldun nagusiaren esanetan, Espainiako aberastasun handien gaineko zerga Gipuzkoan indarrean dagoen ondare zergaren osagarri izango da. Beste era batera esanda, zergadunek ez dute bi aldiz ordaindu beharko, eta Gipuzkoako zerga egokitu egin beharko da.
Hiru aldundiek ondarearen gaineko zergaren osagarri izango dena martxan jartzeko prozesua abiatu, eta argitaratu dute foru-arauaren aurreproiektua. Horren arabera, 3,2 milioi euro baino gehiagoko ondare garbia dutenei % 1,5eko tasa aplikatuko zaie. Hortik aurrera, 6,4 milioira arteko dirutza dutenei 48.000 euroko kuota eta % 1,75eko tasa aplikatuko zaie; 12,8 milioira artekoei, 160.000 euroko kuota eta % 2; eta 16 milioi eurora arteko dirutzei, 224.000 euroko kuota eta % 3,5eko tasa.
Mendozak adierazi duenez, abenduaren 31ra arteko epea dago foru-araua onartzeko, eta, aurrez, zuzenketak aurkezteko aukera izango da. Bizkaian ez bezala, Gipuzkoako eta Arabako foru gobernuek alderdiren baten babesa behar dute aurrera ateratzeko. Gipuzkoako ahaldun nagusiak gogor kritikatu ditu EH Bildu eta Elkarrekin Podemos-IU. eta datu zuzenak ez ematea leporatu die.
Bestalde, "hemen" erabakitzen diren zergak Espainian diseinatzen direnak baino "justuagoak" eta "progresiboagoak" direla nabarmendu du.
Zure interesekoa izan daiteke
Bengoetxeak errespetu instituzionala eskatu du EHUrentzat eta premiazko bilera eskatu dio lehendakariari
Hala erantzun dio Euskal Herriko Unibertsitateko errektoreak Perez Iglesias sailburuari, ukatu egin baitu honek Eusko Legebiltzarrean unibertsitate publikoak behar baino diru gutxiago jasotzen duenik. Iglesiasen hitzetan, 2026rako esleitutako aurrekontua "zifra errekorra" da.
Horrelakoa izango da Bekadunaren Estatutu berria: gastuen konpentsazioa, praktiken muga eta enpresei kontrol gehiago
Espainiako Gobernuak Bekadunaren Estatutuaren aurreproiektua onartu du, prestakuntza praktikoan dauden pertsonen eskubideak bermatzeko.
Petronorreko langileek greban jarraitzen dute eta aldagelen kontua ukatu dute
Hori jakinarazi dute batzordearen ordezkariek Kutxabankek Bilbon dituen bulego orokorren aurrean deitutako langileen kontzentrazioan. Beharginek akordioa atzera bota dute eta auzitegietan argituko da afera.
Eusko Jaurlaritzak EHUrekin duen "konpromiso irmoa" azpimarratu du Perez Iglesiasek
Zientzia, Unibertsitate eta Berrikuntza sailburuak nabarmendu duenez, Eusko Jaurlaritzak EHUri 2026an egingo dion ekarpen arrunta 339 milioi eurokoa da, aurtengo urtean baino % 6,9 gehiago bideratuta. Eta azaldu du unibertsitate publikoari esleitutako diru kantitatea inoizko handiena dela.
Urrian, langabezia-tasa % 0,60 igo da EAEn, eta % 2,04, Nafarroan, iraileko datuekin alderatuta
2024ko urriko datuen aldean, ordea, 888 langabe gutxiago (% 0,82) daude EAEn, eta 1.129 gutxiago (% 3,75) Nafarroan. Bestalde, irailetik urrira, afiliazio-kopurua % 1,32 hazi da EAEn, eta % 0,89, Nafarroan.
Petronorreko langileek greba mugagabean jarraitzen dute eta enpresa batzordeak ukatu egin du aldageletako greba dela
Langileen % 80k zuzendaritzaren eta gehiengo sindikalaren artean lortutako itunaren aurka bozkatu dute, eta, beraz, "aldageletako gerra" deritzona auzitegietan argituko da. Petronorrek geldirik jarraitzen du duela hilabete eta erditik.
Sindikatuek manifestazioa egingo dute Bilbon hilaren 12an “gutxieneko soldataren alde”
Udan Legebiltzarrean aurkeztu zuten legegintzarako herri-ekimenaren aurka agertu zen Eusko Jaurlaritza. Sindikatuen ustez, eztabaida “gutxieneko demokratikoa” da eta, beraz, protesta egingo dute Jaurlaritzaren, EAJren eta PSE-EEren egoitzen aurrean.
Ekonomia, Lan eta Enplegu Sailak % 3,3ko igoera aurkeztu du 2026ko aurrekontuetan
Aurrekontu horien ardatza, batez ere, enplegu-politika aktiboak indartzea izango da; zehazki, prestakuntza, kontratazioa eta kolektibo kalteberen laguntza sustatzea.
Aurreikuspenen arabera, Euskadiko hidrogeno-korridorea egiteko 50 udalerritan zehar 163 kilometro hodi ezarriko dira
Euskadiko sarea bi zatitan banatuko da. Enagasek diseinatutako proiektuaren arabera, lanak 2028an hasi eta 2030ean amaituko dira, eta 400 milioi euroko inbertsioa ekarriko dute.
Aurrekontuen negoziazioan "maila emateko" eskatu die D'Anjouk EH Bilduri, PPri eta Sumarri
EAEko aurrekontuak adosteko negoziazioan "interes alderdikoiak" alde batera uzteko eskatu dio Ogasun eta Finantza sailburuak oposizioari.