Sindikatuek Kristau Eskolari eta AICE-IZEIri: "Azken negoziazio mahaia orain dela zortzi hilabete bildu zen"
Kristau Eskola patronal nagusiak atzo esan zuen elkarrizketaren eta negoziazioaren alde egiten duela. Hala adierazi zuen atzo prentsa ohar baten bidez. "Azken negoziazio mahaia orain dela zortzi hilabete baino gehiago izan genuen, ordea, eta apirilaren 25ean lehen greba eguna egin genuenetik, urriko grebetara bost hilabete baino gehiago pasa dira", kritikatu dute sindikatuek. "Tarte horretan guztian, mahaian ordezkaritza duten Kristau Eskola eta AICE-IZEI patronalak ez dira sindikatuokin harremanetan jarri ere egin", erantsi dute.
ELA, Steilas, CCOO, LAB eta UGT sindikatuek deituta, Euskal Autonomia Erkidegoko gizarte ekimeneko itunpeko ikastetxeetako (gehienak, erlijiosoak) langileek bigarren greba eguna dute gaur jarraian. Guztira, 9.000 irakasle daude lanuztera deituta, eta grebak 200 ikastetxetako 130.000 ikasleri eragingo die. Bihar, osteguna, lanuztea errepikatuko dute.
Zortzi eguneko lanuzteetako bigarrena da, abenduaren 11ko asterako ere greba baitute deituta.
Sindikatu deitzaileek ohar bateratu batean azaldu dutenez, "gaurko grebak ere oso jarraipen zabala izan du, atzokoaren oso antzekoa". Sindikatuen ahotan, langileriaren ia %70k babestu du, eta "milaka" izan dira Gasteizko manifestaziora gerturatu diren langileak.
Sindikatuek ohartarazi dutenez, "ez dute errepikatu nahi aurreko hitzarmena lortzeko beharrezkoak izan ziren 29 greba eguneko dinamika". "Aurreko hitzarmenaren aldeko prozesuan argi geratu zen edukiak daudenean adostasunak lortzen direla", azpimarratu dute.
Hori horrela, Kristau Eskola eta AICE-IZEA patronalei elkarrizketa eta "negoziazio erreala" sustatu dezatela eskatu diete sindikatuek, eta hitzarmena berritzea posible egingo duten proposamenak landu eta mahai gaineratu dezatela.
Bihar, urriak 19, greba eguna dute berriro sektoreko langileek, eta Donostian manifestazioa egingo dute, Aldapena Maria ikastetxearen aurretik abiatuta.
2021eko abendutik, iraungita dago sektoreko hitzarmena. Sindikatuen aldarrikapen nagusien oinarria dira lan zamak arintzeko neurriak, sektore feminizatu eta prekarizatuenentzako hobekuntzak, KPIa bermatuko duten soldata igoerak, lanpostuak mantentzeko neurriak eta Lanbide Heziketako edukiak. Euskara planak, berdintasun planak eta lan osasuna eta bereziki arrisku psikosozialak abordatzeko planak ere jomugan dituzte sindikatuek.
Albiste gehiago ekonomia
Nekazaritzako zenbait lan aldi baterako debekatu dituzte Nafarroan, sute arriskuaren aurrean
Horrela, Nafarroako lurralde osoan, debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak sor baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.