Amiantoagatik itxitako pabiloiengatik erantzukizunak argitzeko eskatu du CAFeko langileen batzordeak
Amiantoagatik itxitako pabiloiengatik erantzukizunak argitzeko eskatu du gaur CAFeko langileen batzordeak. Hiru pabiloi itxita egon ziren udan Beasaingo plantan, horietako baten teilatua desmuntatzeko lanetan amiantoa agertu delako. Sindikatuek salaketa jarri dute Lan Ikuskaritzan, 300 langile amiantoaren eraginpean egon zirelako, eta gertatutakoa lehenbailehen argitzeko eskatu dute.
Agerraldia egin dute gaur beharginek Beasainen, eta baita bi orduko lanuztea ere. CAFeko zuzendaritzak eta Osalanek huts egin dutela salatu dute, "oker eta berandu" jokatu dutela iritzita. Langileen batzordearen iritzian, enpresak produkzioa lehenesten du beharginen osasunaren gainetik, eta, gogoratu duenez, azken urteotan CAFeko 60 langile baino gehiago hil dira amiantoaren ondorioz.
"CAFek zaindu egin behar du bere plantillaren osasuna, eta, beraz, hain prozesu korapilotsuan zalantzarik txikienaren aurrean, zuhurtasun printzipioa nagusitu behar da. Ez dakigu non geratzen den hainbeste goraipatutako prebentzioaren kultura", esan dute langileek. Horien ustez, "prebentzioko ordezkarien iritziaren kontra, CAFek erabaki zuen izugarri zikinak ikusten ziren nabeak langilez betetzea".
Abuztuaren amaieran, hiru pabiloi aldi baterako itxi zituzten, eta urriaren 16an hasi ziren langileak lanera itzultzen. Egoerak kaltetutako langileak "amiantoaren eraginpean egon daitezkeen langileen zerrendan" sartzeko exijitu du langileen batzordeak.
Albiste gehiago ekonomia
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.
BPGa % 2,2 handitu da Euskadin 2025eko bigarren hiruhilekoan
Eustatek zabaldutako datuen arabera, urte arteko hazkundea % 1,4koa izan da, hau da, aurreko urteko bigarren hiruhilekoan baino 14 035 lanpostu gehiago sortu dira aurten.
Horrelakoa izango da 2027tik aurrera egingo den euskal aireportuen handitzea
Loiuk, Forondak, Hondarribiak eta Noainek hobekuntzak egingo dituzte instalazioetan, Aenaren 2027-2031 inbertsio-planaren barruan, 13 milioi euroko inbertsio globalarekin.
Amnistia Internazionalak Jerusalemgo tren arinaren proiektua bertan behera uzteko eskatu dio CAFi
Gobernuz Kanpoko Erakundeak salatu duenez, tranbia-lineak zabaltzeak legez kanpoko asentamendu israeldarrak sendotzen eta Jerusalem ekialdea anexionatzen laguntzen du.
Greba mugagabea deitu dute Maderas de Llodio enpresan irailaren 22tik aurrera
Ohar batean, enpresa-batzordeak salatu du enpresak "ekoizpenaren % 40 beste lantokietara eramateko asmoa" iragarri duela. "Horrek deslokalizazioa suposatzen du, Madelas de Llodioko lantegiaren eta gure eskualdearen etorkizuna arriskuan jartzen duena".
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.