CAFek Beasaingo hiru pabiloi aldi baterako itxi ditu, amiantoagatik
Beasaingo CAF enpresako hiru pabiloi aldi baterako itxi dituzte, berritze lan batzuetan amiantoa agertu ostean garbiketa lanak egin behar dituztelako.
Enpresa batzordeak ohar bidez azaldu duenez, zuzendaritzak asteazkenean jakinarazi zion 8. pabiloian neurtutako amianto kopurua legeak baimendutakoa baino altuagoa zela eta bertako langileek ezingo zutela beren lanpostuetara joan.
Ostegunean, enpresa batzordeak zuzendaritzari eskatu zion ondoko bi pabiloietan neurketa gehiago egiteko, eta, gainera "ekoizpena eteteko" proposatu zion "pertsona guztien osasuna bermatu arte".
Horren ostean, zuzendaritzak erabaki zuen 7. eta 9. pabiloietan azterketak egitea eta 8. pabiloiko langileei laginak hartzea.
Asteartean jakinarazi zien zuzendaritzak abuztuaren 28an hartutako sei laginetatik lauk positibo eman zutela, eta, ondorioz, badaezpadako neurri gisa, hiru pabiloietako langileak etxera bidali ditu.
Bestalde, enpresa batzordeak Osalanen jarrera salatu du gertatutakoari "garrantzia kendu" diolako.
Osalanek, bere aldetik, esan du kasua "jarraitzen" ari direla, eta "esku hartuko" dutela dagokionean, hala egin behar badu.
Enplegu Sailetik azaldu dutenez, Osalanek "beti" aztertzen ditu kasuak, "zerbait gertatzen ari dela jakiten duenean".
Era berean, zehaztu dute enpresaren prozedura "egokia" izan dela: "Amiantoa kentzeko plana aurkeztu behar dute, eta, ondoren, txosten teknikoa egiten da, Lan Agintzaritzak onar dezan, eta kasu honetan hala egin da".
Zure interesekoa izan daiteke
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.
BBVAk 3.000 milioiko irabaziak izan ditu lehen hiruhilekoan (+%10,8) eta akzioak berrerosiko dituela iragarri du
Erakundeak diru-sarrerak eta errentagarritasuna handitu ditu kredituaren bultzadari esker, eta akzioak berrerostea aurreikusi du, 1.460 milioi arte inbertituta.