Jaurlaritzak 15.025 milioi euroko aurrekontu proiektua onartu du, iazko aurrekontua baino % 5,4 handiagoa
Gobernu Kontseiluak 2024ko Euskal Autonomia Erkidegoko (EAE) aurrekontuen proiektua onartu du, 15.025,4 milioi eurokoa, hau da, iazko aurrekontua baino % 5,4 handiagoa izango da, 774,7 milioi euroko igoerarekin. Zerbitzu publikoak mantentzeko eta hobetzeko "euskarri" eta "bermatzaile" gisa planteatzen ditu Aurrekontuak Eusko Jaurlaritzak, "ziurgabetasun globalaren testuinguru honetan".
Gobernu Kontseiluaren osteko prentsaurrekoan, Pedro Azpiazu Eusko Jaurlaritzako Ekonomia eta Ogasun sailburuak gogora legegintzaldi honetako azken aurrekontu proiektua dela, eta mundu mailako ziurgabetasunek (pandemia, gerrak eta inflazio altua) gastu publikoa baldintzatuko dutela.
"Ziurgabetasun globalaren testuinguru honetan, aurrekontua gure zerbitzu publikoak mantentzeko eta hobetzeko euskarri eta bermatzaile bihurtzen da, pertsonekin, garapen ekonomikoarekin, enpleguarekin eta gure planetaren zaintzarekin konprometitutako etorkizuna eraikitzea helburu hartuta", gaineratu du.
Ziurgabetasunak ziurgabetasun, EAEko ekonomia aurten % 1,7 eta 2024an % 2,1 haziko dela aurreikusi du Eusko Jaurlaritzak. Euskal ekonomiaren hazkundea "moteldu" egingo bada ere, Europako ekonomiak baino nabarmen gehiago haziko dela adierazi du sailburuak.
Azpiazuk azaldu duenez, aurrekontu proiektua lau zutabetan oinarritzen da: pertsonak, planeta, oparotasuna eta autogobernua. "Apustu sendoa dira Euskadiko bizi kalitatea bermatzeko eta hobetzeko (Osakidetzan hazkunde handia izan da) eta haren garapen ekonomikoa eta enpleguaren sorrera sustatzeko", gehitu du.
Sailburuak emandako datuen arabera, EAEko 2024ko aurrekontu proiektuaren % 76 (10.934,4 milioi euro) gizarte politiketara bideratuko da, 653 milioi euroko igoerarekin. Aurrekontu igoerarik handiena izango duten sailak Osasuna eta Hezkuntza izango dira. Osasun Sailak izango du diru partidarik handiena (4.896,6 milioi euro) eta zenbateko horren % 79 Osakidetzara joango da. Jarraian, Hezkuntza eta Lurralde Plangintza, Etxebizitza eta Garraioak dira hazkunderik handiena izan dutenak, "hezkuntzako langileen eta etxebizitzako igoera handiagatik, hurrenez hurren".
Eusko Jaurlaritzak "apustu irmoa" egiten du inbertsio publikoaren alde, 2.000 milioi eurotik gorakoa izango baita (2023an baino % 13,5 gehiago). Halaber, I+G+Bra bideratutako aurrekontuak % 6,5eko igoera izango du, eta 700 milioi eurotik gora iritsiko da. 2021etik I+G+Bra bideratutako aurrekontua % 31 hazi da.
Aurrekontuen zati handi bat, 5.900 milioi euro, langile publikoen soldata ordaintzera bideratuko da. Iaztik, % 6,1 igo da diru partida hori, besteak beste, langile publikoen soldata % 2 igoko delako datorren urtean.
Urriaren 27an aurrekontuen proiektua Eusko Legebiltzarrean erregistratuko da, eta sailburuek agerraldia egingo dute azaroaren 6tik 8ra. Sailburuen agerraldien ostean, EH Bildurekin, Elkarrekin Podemos-IU eta PP-Cs alderdiekin balizko aliantzak lortzeko negoziazioen txanda irekiko da. Aurrekontu proiektua abenduaren 22an onartzea aurreikusita dago.
Azpiazuk onartu du "ez dela erraza" izango hauteskunde urtean beste alderdien babesa lortzea, baina uste du guztiek jakingo dutela "egoerak eskatzen duen mailan egoten".
Zure interesekoa izan daiteke
Petronorreko gatazkak bere horretan dirau: langileek ez dute akordioa onartu eta greba mugagabean jarraitzen dute
Langileen % 80k zuzendaritzaren eta gehiengo sindikalaren artean lortutako itunaren aurka bozkatu dute, eta, beraz, "aldageletako gerra" deritzona auzitegietan argituko da. Petronorrek geldirik jarraitzen du duela hilabete eta erditik.
Sindikatuek manifestazioa egingo dute Bilbon hilaren 12an “gutxieneko soldataren alde”
Udan Legebiltzarrean aurkeztu zuten legegintzarako herri-ekimenaren aurka agertu zen Eusko Jaurlaritza. Sindikatuen ustez, eztabaida “gutxieneko demokratikoa” da eta, beraz, protesta egingo dute Jaurlaritzaren, EAJren eta PSE-EEren egoitzen aurrean.
Ekonomia, Lan eta Enplegu Sailak % 3,3ko igoera aurkeztu du 2026ko aurrekontuetan
Aurrekontu horien ardatza, batez ere, enplegu-politika aktiboak indartzea izango da; zehazki, prestakuntza, kontratazioa eta kolektibo kalteberen laguntza sustatzea.
50 udalerritatik igaroko diren 163 kilometro hodi aurreikusten ditu Euskadiko hidrogeno-korridoreak
Euskadiko sarea bi zatitan banatuko da. Enagasek diseinatutako proiektuaren arabera, lanak 2028an hasi eta 2030ean amaituko dira eta 400 milioi euroko inbertsioa eskatuko dute.
Aurrekontuen negoziazioan "maila emateko" eskatu die D'Anjouk EH Bilduri, PPri eta Sumarri
EAEko aurrekontuak adosteko negoziazioan "interes alderdikoiak" alde batera uzteko eskatu dio Ogasun eta Finantza sailburuak oposizioari.
Astelehen honetan hasiko dira sailburuak beren sailetako aurrekontuak Legebiltzarrean aurkezten
2026ko aurrekontuen egutegiaren arabera, osoko zuzenketen bilkura datorren abenduaren 9an egingo dute, eta Ogasun eta Aurrekontu Batzordeak landutako irizpena eztabaidatzeko osoko bilkura, abenduaren 23an.
Kamioilari bat zauritu da Taxoaren, deskargatzen ari zen metalezko fardel bat gainera erorita
59 urteko gizona Nafarroako Unibertsitate Ospitalera eraman dute, pronostiko erreserbatuko kolpe ugarirekin. Larunbat honetan, lanean ari zela gertatu da istripua.
MasOrange osoa eskuratzeko akordio ez-loteslea iragarri du Orangek
Operazioa urte honen amaieran egitea aurreikusten du. Horrela, Euskaltel, MasOrangen integratuta dagoena, enpresa frantsesaren eskuetara igaroko da.
Dozenaka kamioik trafikoa oztopatu dute Iruñean, baldintza hobeak aldarrikatzeko
Tradisna elkarteak hilabeteak daramatza "fiskalitate justua", garraio astunari bidesarien kobrantza etetea edota azpiegiturak hobetzea aldarrikatzen.
Eusko Jaurlaritzak Berrikuntzaren Itsasargiak abiatu ditu, Euskadi abangoardia zientifiko eta sozialeko Europako polo gisa sendotzeko
Berrikuntzaren Itsasargiak aurkeztu ditu, lehentasunak eta apustuak argitu, eta gizartean eta ekonomian eragina izango duten ezagutza aurreratuko proiektuak sustatzeko. Berrikuntza Funtsak 81 milioi euro izango ditu 2026an, eta % 6 handituko da urtero, 2030ean 103 milioi eurotik gorakoa izateko.