Orain badaude tasa turistikoa ezartzearen "eztabaidari heltzeko baldintzak", Jaurlaritzaren ustez
Orain arte ez bezala, egun Euskal Autonomia Erkidegoan (EAE) tasa turistikoa ezartzearen "eztabaidari heltzeko baldintza egokiak" egon badaudela uste du Javier Hurtado Turismo, Merkataritza eta Kontsumo sailburuak. Izan ere, pandemia igarota, "Euskadiren lidergo turistikoa susperraldian" dagoela iritzi dio. Dena dela, horren inguruko edozein erabaki "zorroztasunez eta adostasunez" hartu behar dela azpimarratu du.
Hain justu, tasa horren egokitasuna aztertzeko lan batzordea gaur osatu dute Eusko Legebiltzarrean, eta lehen bilera horren buru izan da Hurtado. Sailburuak azaldu duenez, erakundeen, sektore turistikoaren eta adituen "eztabaidagune" bihurtu nahi dute batzordea, datorren legegintzaldirako gaiari buruzko proiektu bat aurrera eraman ahal izateko.
Hurtadoren hitzetan, tankera honetako ekimenek "adostasuna" izan behar dute oinarri, eta "Gernikako Estatutua eta Ekonomia Ituna errespetatu" behar dituzte.
Batzordea honakoek osatzen dute: Euko Jaurlaritzako Turismo eta Ekonomia eta Ogasun sailetako ordezkariak, hiru aldundietakoak, Bilbo, Donostia eta Gasteizko udaletako kideak, Eudelekoak, turismo sektoreko elkarteak (Bizkaiko Ostalaritza, Gipuzkoako Ostalaritza, Destino Bilbao, Euskadiko Kanpin Elkartea, Nekatur eta Aparture), eta SEA eta Adegi patronalak.
Lantaldeak Kataluniako eta Balear Uharteetako esperientziak aztertuko ditu, baita Europako beste toki batzuetakoak ere. Sektoreak esateko duena ere kontuan hartuko da, eta tokian tokiko eta lurralde mailako erakundeen iritzia ere bai.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".