2.920 langabe gehiago zenbatu dituzte EAEn eta 694 gehiago Nafarroan, urrian
Euskal Autonomia Erkidegoan nabarmen igo da langabezia urrian, iraileko datuekin alderatuta: zehazki, 2.920 pertsona gutxiago daude lanik gabe (% 2,74ko igoera). Halaber, Nafarroan 694 langabe gehiao zenbatu dituzte (% 2,37) zenbatu dituzte azken hilabetean.
EAEko enplegu zerbitzu publikoan 109.645 lagun zeuden langabe gisa erregistratuta urrian, irailean baino 2920 gehiago. Aurreko hilabetearekin alderatuta % 2,74 igoera izan da beraz, Estatuko % 1,36ko batez bestekoaren gainetik, Lan eta Gizarte Ekonomia Ministerioak eta Eusko Jaurlaritzako Lan eta Enplegu Sailak ostiral honetan argitaratutako datuen arabera.
2022ko urriaren aldean, ordea, 2.100 langabe gutxiago daude, hau da, % 1,88 gutxiago, autonomia-erkidego guztien artean urte arteko jaitsiera txikiena izan da, Estatuko batez besteko jaitsiera % 5,33ekoa izan baita. Halere, Eusko Jaurlaritzak nabarmendu duenez, 2008tik langabe kopururik txikiena izan duen urria izan da iragandakoa.
Hiru lurraldeetan igo da langabeen kopurua aurreko hilaren aldean: Bizkaian 1.782 langabe gehiago, Gipuzkoan 687 gehiago eta Araban 451 gehiago daude. Bizkaian eta Gipuzkoan jaitsi egin da langabeen kopurua iazko datuekin alderatuta, 1.541 eta 608 langabetu gutxiago izan baitira, hurrenez hurren. Araban, aldiz, iaz baino 49 lagun gehiago zeuden lanik gabe.
Afiliazioari dagokionez, EAEn, urrian, 1.008 668 afiliatu zeuden Gizarte Segurantzan, hau da, irailean baino 13.675 gehiago (+%1,37), Gizarteratze, Gizarte Segurantza eta Migrazio Ministerioak ostiral honetan argitaratutako datuen arabera. 2022ko urrian baino 18.978 kotizatzaile gehiago daude iaz baino % 1,92 gehiago, beraz.
Nafarroan irailean baino langabe gehiago
Irailean baino 694 langabe gehiago zenbatu dituzte urrian Nafarroan, % 2,37 gehiago, eta guztira 30.000 dira lanik gabe daudenak.
Halere, iazko urriarekin alderatuta, % 4,08ko jaitsiera ikusten da, hau da, 1.275 langabe gutxiago, Lan eta Gizarte Ekonomia Ministerioaren datuen arabera.
Espainiar estatuko ia erkidego guztietan igo da langabezia irailetik, baina iaztik jaitsi egin da langabe kopurua.
Nafarroako langabeen artean, 18.250 emakumeak dira (1.401, 25 urtez azpikoak) eta 11.750 gizonak (1.509, 25 urtez azpikoak).
Nafarroak 2.025 afiliatu irabazi ditu Gizarte Segurantzak, % 0,66 gehiago irailetik, eta 308.159 dira kotizatzen dutenak.
2022ko urriarekin alderatuta, 5.967 afiliatu gehiago daude, hau da, % 1,97 gehiago.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".