Euskadiko txikizkako merkataritzaren salmentak % 0,7 gehitu dira hirugarren hiruhilekoan
Euskal Autonomia Erkidegoko txikizkako merkataritzaren salmentak % 0,7 igo dira 2023ko hirugarren hiruhilekoan, aurreko urteko hiruhileko beraren aldean, Eustat Euskal Estatistika Erakundeak asteazken honetan argitaratutako datuen arabera.
Lurraldez lurralde aztertuta, 2023ko hirugarren hiruhilekoko salmentak % 2,9 igo dira Bizkaian eta % 1,1 Araban. Gipuzkoan, berrriz, % 2,6ko jaitsiera izan da.
2023ko hirugarren hiruhilekoan, Euskadiko txikizkako merkataritza-sektoreko enplegatuak % 1,2 gehitu dira aurreko urteko hiruhileko beraren aldean.
Sektorez sektore aztertuta, Elikaduraren arloko salmentak % 1,4 gehitu dira 2022ko hirugarren hiruhilekoaren aldean. Sektore horren barruan, fruta-dendetako, harategietako edo arrandegietako salmentak % 2 jaitsi dira 2022ko hirugarren hiruhilekoaren aldean. Aldiz, supermerkatu eta hipermerkatuetako salmentak % 3 gehitu dira urte artean.
Gainerako produktuen sektorean % 0,7ko urte arteko jaitsiera izan da salmentetan. Atal horren barruan, beste kontsumo-ondasun batzuen salmentak (kirol-artikuluak, jokoak edo jostailuak) % 5,6 igo dira.
Pertsonaren ekipamenduan (arropa, oinetakoak, produktu kosmetikoak edo higienekoak) salmenten igoera % 5ekoa izan da.
Ez-espezializatuan (korrespondentzia edo Internet), salmentak % 3,3 hazi dira. Aitzitik, Etxeko ekipamenduan (etxetresna elektrikoak, altzariak eta telekomunikazio-ekipoak) salmentak % 8,8 jaitsi dira.
Azkenik, Automobilgintzarako erregaia (gasolina-zerbitzuguneak) atalean salmentak aurreko urteko hiruhileko berean baino % 5,8 handiagoak izan dira.
Asteazken honetan jarri da abian Euskadi Bono Dendaren laugarren edizioa, Euskadiko txikizkako saltokietan erosketak sustatzeko Eusko Jaurlaritzaren ekimena.
Zure interesekoa izan daiteke
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.