UGT, CCOO eta CEOEk ez dute babestu langabeen laguntzaren erreforma, eta Gobernuaren "presa" kritikatu dute
Espainiako Gobernuaren Lan Ministerioak eta eragile sozialek hiru orduko bilera izan dute langabeek jasotzen duten diru-laguntzaren erreformari buruz hitz egiteko. Sindikatu zein patronaleko ordezkariak ez dira konforme atera eta hainbat aldaketa proposatuko dituzte hurrengo egunetan.
CCOO sindikatuko Politika Publikoetako eta Babes Sozialeko idazkari Carlos Bravo, UGTren Politika Sindikaleko idazkariorde Fernando Lujan eta CEOE Espainiako Enpresaburuen Elkarteen Konfederazioko Enplegu, Dibertsitate eta Babes Sozialeko zuzendari Rosa Santos izan dira bileran, besteak beste.
UGTko eta CCOOko ordezkariek esan dute erreforma "ez dela nahikoa", "partziala" dela eta langabeziagatiko prestazioaren eta asistentziaren zenbatekoak ez direla "egokiak".
Patronalak, berriz, uste du Lan Sailak proposatutako erreformak ez duela pizgarri nahikorik aurreikusten langabeentzako laguntza kobratzen duten pertsonek enplegua bila dezaten.
Sindikatuek eta patronalak datozen egunetan erreformak aurkeztuko dituztela iragarri dute.
"Prestazio-maila, norberak lan egin duenean duen maila, gehieneko mugen kontribuzio-maila ez da iristen lanbide arteko gutxieneko soldatara eta, gutxienez lanbide arteko gutxieneko soldatara iritsi beharko litzatekeela defendatzen dugu ", adierzi du Lujanek (UGT). Hori dela eta, oraingo 480 euroak bezala, Lan Ministerioak proposatutako 600 euroak ere "gutxiegi" direla esan du.
Bravok (CCOO), bere aldetik, azaldu du erreformak ez dituela "hainbat hutsune ezabatzen, ez ditu berdin tratatzen gazteak eta adinekoak, ez emakumeak ere, gaur egun lanaldi partzialeko langabeziagatiko prestazioetan zein lan-harreman egonkorrak izateko zailtasunik handiena duten pertsonen prestazioetan dagoen diskriminazioari eutsiz".
Diaz eta Calviñoren artean polemika
Espainiako Gobernuak aurreko legealdian prestatu eta adostu zuen Berreskuratze Planean jasota eta oraindik betetzeko dagoen puntuetako bat da langabeziagatiko asistentzia-mailaren erreforma, eta hori betetzea nahitaezkoa da Next Generation funtsen laugarren zatia jasotzeko (10.000 milioi euro).
Hain zuzen, erreforma hori da azken egunotan Diazen eta Calviñoren lantaldeak aurrez aurre jarri dituena. Antza, Ekonomia Ministerioaren asmoa langabezia subsidioaren iraupena 30 hilabetetik 12 hilabetera jaistea litzateke, eta hileroko diru kopurua ere murriztea: IPREMaren % 100 lehen hiru hilabeteetan (600 euro gaur egun), IPREMaren % 80 bigarren hiruhilekoan (480 euro hilean), IPREMaren % 65 hirugarren hiruhilekoan (390 euro) eta % 50 azken hiruhilekoan (300 euro).
Diaz presidenteordeak argi esan dio Calviñori ez dutela murrizketarik onartuko, eta erreforma hau kudeatzea Lan Ministerioaren ardura dela ohartarazi dio. Azken horrek, berriz, erantzun du "egiturazko erreformak egitea Gobernu osoaren" lana dela.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.