Tuvisako langileek lanuzteei berrekingo diete astelehen honetan, Udalaren beste eskaintza bat jaso arte
Gasteizko hiri-autobusetan zerbitzua ematen duen Tuvisako enpresa-batzordeak mobilizazioei ekingo die berriro astelehen honetan, urtarrilaren 8an, 05:00etatik 09:00etara lanuzteak eginez.
ELA eta UGT sindikatuetako hiruna ordezkari, USO, ESK eta CCOO sindikatuetako bina eta LABeko ordezkari batek osatzen duen langile batzordeak honakoak eskatzen ditu: "lineako autobusen galera saihestea, Tuvisako pribatizazioak iraultzea, lan-hitzarmen berri bat negoziatzea, benetako lanaldiaren erregistroa egotea eta ALHAOn argitaratzea alderdi sozialekin lortutako akordio guztiak". "Tuvisako langileen osasuna eta zerbitzuaren hobekuntza aldarrikatzen dugu, kalitatean zein segurtasunean", azaldu dute; izan ere, arazo larriak salatu dituzte azken hilabeteotan.
Abenduaren 5ean, langileek lanuzte partzialak hasi zituzten goizean, lau orduz, eskaera horien alde. Langileen % 100ek, sindikatuen arabera, eta % 72k, Udalaren arabera, babestu zituzten lanuzteak.
Joan den astean Udalak lehen eskaintza aurkeztu zion enpresa batzordeari, baina langileen batzarrak mobilizazioen egutegiarekin jarraitzea erabaki zuen, eskaintza hoberik jaso ezean.
Hala, lanuzteak urtarrileko astelehen, asteazken eta ostiral guztietan egingo dira, 05:00etatik 09:00etara, eta otsaileko lanegun guztietara zabalduko dira, ordutegi berean, lan-gatazka konpontzen ez bada.
Egoera konpondu ezean, martxoaren 3tik aurrera "erabateko greba mugagabea" egiteko asmoa iragarri du langileen batzordeak.
Bestalde, Tuvisako greba batzordeak manifestazioa deitu du astearte honetarako, urtarrilaren 9rako, 17:00etan, Florida kaletik Andre Maria Zuriaren plazaraino.
Gatazka bideratzeko beste eskaintza bat aurkezteko konpromisoa hartu zuen Gasteizko Udalak
Joan den ostegunean, langileen ordezkariek eta enpresako zuzendaritzak bilera izan zuten Gasteizko Udalean, eta, horren ostean, Iñaki Gurtubai Tuvisako presidenteak astelehen arratsaldean enpresako langileen batzordeari "beste eskaintza bat" aurkezteko konpromisoa hartu zuen, lan-gatazka bideratzeko.
Gurtubaik azaldu zuenez, zuzendaritzak eta ordezkaritza sindikalak aurreko astean administrazioak aurkeztutako proposamenari buruz eta enpresa-batzordeak aurkeztutako kontraproposamenari buruz eztabaidatu zuten, "giro erabat adeitsuan", eta, horregatik, astelehen arratsaldean aurkeztuko duten eskaintzak gatazka bideratzea espero duela esan zuen.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.