Sindikatuen arabera, itunpeko eskoletako grebak % 65eko jarraipena izan du; patronalaren hitzetan, % 16koa
ELA, CCOO, LAB, UGT eta Steilas sindikatuek manifestazioa egin dute astearte honetan Gasteizen, Euskadiko gizarte ekimeneko ikastetxeetako langileentzako hitzarmen berri bat eskatzeko. Sindikatuen arabera, % 65eko jarraipena izan du gaurko grebak.
Kristau Eskolak, bere aldetik, grebaren jarraipena % 16,36koa izan dela esan du. Patronalak ohar batean zehaztu duenez, 93 zentroren erantzunetatik ateratako datuen arabera, 1.070 langilek egin dute greba, eta horrek esannahi du jarraipena % 16,36koa izan dela.
Manifestazioan milaka lagunek hartu dute parte, sindikatuen arabera, eta aste honetarako deitutako hiru greba berrien hasierarekin bat egiten du. Guztira, 9.000 langile inguru daude deituta grebara.
Komunikabideei egindako adierazpenetan, Miren Zubizarreta ELAko arduradunak salatu du sektoreko patronala "etxeko lanak egin gabe" joan dela sindikatuekin izandako azken bileretara.
Sindikatuok jakitera eman dutenez, "lehenbailehen eman nahi diogu irtenbidea gatazka honi; horretarako giltza patronalek dute". Hori dela eta, patronalei eta Eusko Jaurlaritzari eskatu diete "gatazka atzeratzeko estrategiak eta greba-eskubidea urratzeko jarrerak alde batera utz ditzatela, eta hitzarmena berritzeko edukiak lehenbailehen landu eta eman ditzatela".
Zubizarretak patronalaren jarrera deitoratu du, eta gogorarazi dio hitzarmenak hiru hilabete daramatzala iraungita, eta 15 bilera egin diren arren, ez dela aurrerapausorik eman. Ildo horretan, patronalaren "arduragabekeria" salatu du, egin duen proposamen "zehatz bakarra" soldata eskaintza "erabat onartezina" izan delako, "metatutako KPIa bermatzera ere ez baita iristen".
Sindikatuek beste bi greba egun deitu dituzte urtarrilerako: urtarrilaren 24rako eta 25erako. Bihar, urtarrilak 24, auto-karabanak eta mobilizazioak egingo dituzte Bilbon, Donostian eta Gasteizen. Goizeko mobilizazio nagusiak 11:30ean izango dira Bilboko Eskolapioen ikastetxean, Kristau Eskola patronalaren egoitzaren aurrean Donostian eta San Viator ikastetxearen aurrean Gasteizen.
Otsailerako, ELAk, LABek, UGTek, CCOOk eta Steilasek beste bost greba egun deitu dituzte (6, 7, 8, 19 eta 20rako).
Lanuzteak 130.000 ikasle ingururi eragiten die, eta negoziazio mahaiaren bileretan, azkena urtarrilaren 16an, sektoreko hitzarmena berritzeari buruzko akordiorik lortu ez ostean egin dira.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.