UAGA Arabako nekazarien sindikatuak traktore martxa deitu du hilaren 7rako, Gasteizen
UAGA Arabako nekazarien sindikatuak protesta deitu du hilaren 7rako Gasteizen, Bizkaiko EHNEk eta ENBAk hilaren 9rako Bilbon deitutakoaren antzera.
UAGAk ohar batean azaldu duenez, kideei entzun ondoren, mobilizazio-egutegi bat antolatzea erabaki du, eta ekitaldi nagusia otsailaren 7an izango da. Egun horretan, traktore martxa bat egingo dute Gasteizko kaleetan zehar, Eusko Jaurlaritzaraino.
Traktoreak otsailaren 6an, asteartea, iritsiko dira Arabako hiriburura, 10:00ak eta 11:00ak bitartean, eta Jundizko industrialdean bilduko dira. Hiriburuko aparkaleku batean emango dute gaua, asteazken goizean Eusko Jaurlaritzara bidean ilaran irteteko. Manifestua irakurriko dute bertan, eta, ondoren, Jundizko industrialdera itzuliko dira, bertan lan egiten duten plataforma logistikoen aurrean protesta egiteko.
UAGAk ere Europako protestekin bat egitea erabaki du, beraz. Hauek dira Arabako nekazarien aldarrikapenak:
- Egungo NPB (EBko nekazaritza politika) malgutzea eta sinplifikatzea, "gehiegizko burokraziak kostu onartezinak dakarzkielako nekazari eta abeltzain profesionalei, eta ez dutelako aukerarik ematen ingurumen arloko helburuak betetzeko".
- Elikadura Katearen Legea aldatzea eta zabaltzea, nekazarien prezioek ekoizpen-kostuak estaltzeko jardunbide desleialak debekatzeko.
- AICA Elikagaien Informazio eta Kontrolerako Agentziak atzemandako arau-hausteei ezartzen zaizkien isun ekonomikoak arau-hausteen larritasunaren araberakoak izatea eta kontrolatzeko baliabideak handitzea.
- Nekazaritza-sektoretik kanpoko eragileek zein inbertsio funtsek lurrak espekulaziorako erostea geldiaraztea, baita nekazaritza-lurretan energia berriztagarriak instalatzea eragoztea ere.
- Merkataritza libreko akordioen negoziazioak berehala bertan behera uztea, Mercosur kasu, ezin baita "Europako ekoizleok ditugun eskakizun berak betetzen ez dituzten hirugarren herrialdeetako produktuak sartzen utzi".
- Euskadin, Eusko Jaurlaritzari eta Aldundiari Nekazaritza eta Abeltzaintza Sail propioa berreskuratzea eskatzen diete, eta familia-nekazaritza ereduen aurka doazen makroproiektuak ez sustatzea.
"Gizarteak entzutea eta lehen sektorea ezinbestekoa dela kontzientziatzea" nahi dute mobilizazioekin. "Bertako elikagaiak ekoizten ditugu, landa-ingurunea, mendiak eta naturguneak zaintzen ditugu. Lehen sektorerik gabe gure herriak hil egiten dira", azaldu dute.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.