EAEko 100 langiletik 16 autonomoak dira, orain hamar urte baino hiru puntu gutxiago
Enplegu autonomoak indarra galdu du EAEn eta Nafarroan, soldatapeko enpleguarekin alderatuta; izan ere, soldatapeko enpleguak % 19,3ko gorakada izan du azken hamarkadan.
Azken hamar urteetan, enplegu autonomoaren kuota ia hiru puntu jaitsi da Euskal Autonomia Erkidegoan. 2013an, autonomoak % 19,3 ziren; egun, berriz, % 16,4 dira.
Neurri txikiagoan bada ere, jaitsiera hori Nafarroan eta Estatuan ere gertatu da. EITB Datak egindako enplegu autonomoaren erradiografiaren arabera, Nafarroan langileen % 16,5 ziren autonomoak 2013. urtean; egun, berriz, % 14,2 dira. Estatuan, enplegu autonomoa % 17,5 izatetik 15,4 izatera igaro da.
Hortaz, lanean ari diren pertsonen artean gero eta autonomo gutxiago daude, eta errealitate hori autonomia-erkidego guztiek partekatzen dute. Azken hamardakan, Errioxak eta Gaztela-Mantxak izan dute atzerakadarik handiena, % 3,8koa.
Datu horiek soldatapeko enplegukoekin alderatuz gero, azpimarratzekoa da azken horrek azken hamarkadan izan duen hazkundea. Tarte horretan, EAEn soldatapeko langileen kopuruak % 19,3 egin du gora, eta autonomoenak, berriz, % 2,5 egin du behera.
Soldatapeko enpleguak Nafarroan ere izan ditu gorabeherak, % 29 hazi baita azken hamar urteotan, eta autonomoen kopuruak % 6 egin du gora. Estatuan, soldatapekoen kopurua % 34,6 igo da, eta autonomoena % 11,6.
Zenbaki absolutuei erreparatuz gero, gaur egun, 163.308 langile autonomo daude EAEn, 43.021 daude Nafarroan eta 3.159.758 dira Espainiako Estatuan.
Azken hamarkadan, Euskadik 4.158 autonomo galdu ditu, Nafarroak 2.447 irabazi ditu eta Estatuan orain 10 urte baino 327.415 langile autonomo daude.
Albiste gehiago ekonomia
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".