UAGAk berriro traktoreak kalera atera ditu Gasteizen, lehen sektorea agenda politikoan sar dadila eskatzeko
UAGA Arabako Nekazari eta Abeltzainen sindikatuak lehen sektorearen presentzia handiagoa eskatu du hauteskunde kanpainako agenda politikoan, berriro, Gasteizen, traktoreak kaleetara aterata.
11:00etan elkartu dira — 30 bat traktore eta dozenaka nekazari— Fernando Buesa Arena pabiloiaren kanpoaldeko aparkalekuan, eta handik UAGAren egoitzara joan dira, 12:00etan mobilizazioari ekiteko. Santa Barbara plazako merkatuaren alboan amaitu dute proteta.
Sindikatua "kezkatuta" agertu da nekazaritza eta abeltzaintza diskurtso politikoetan "ia" ez direlako agertzen, "nahiz eta alderdi guztiek gure aldarrikapenak beteko dituztela hitzeman". Edurne Basterra UAGAko presidenteak salatu du alderdi politikoek ez dituztela nekazarien eta abeltzainen aldarrikapenak ia aipatu ere egin kanpainako euren diskurtsoetan. Horrez gain, erantsi du Eusko Jaurlaritzak ez diela oraindik erantzun euren aldarrikapenekin igorri Zituzten idatziei.
Sindikatuaren eskaeren artean daude Eusko Jaurlaritzak Nekazaritza eta Abeltzaintza saila edukitzea; makroproiektu eolikorik eta fotoboltaikorik, eta baratze-makroproiekturik ez egitea; Elikadura Katearen Legea "goitik behera" betetzea eta Europako araudia malgutzea lehen sektorearen garapenean laguntzeko.
Joan den astelehenean, alderdi politiko guztien egoitzetara joan ziren sektorearen etorkizuna bermatzeko azken hilabeteotan egin dituzten aldarrikapenak haien eskuetan uztera, "inork ez ditzan ahaztu" zeintzuk diren nekazarien eta abeltzainen lehentasunak.
Biharko beste traktore-martxa bat dago deituta Arabako hiriburuan, kasu honetan Trebiñu eta Araba Landaren alde Elkarteak deituta.
Albiste gehiago ekonomia
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan karga handiegia zutela, LAB sindikatuko Jesica Gondraren hitzetan. Adierazi duenez, zuzendaritzak urte biko epean ez du ezer egin baieztatu. Sindikatuen ustez, zuzendaritzak egoera baliatu nahi du langileen irudia zikintzeko, Gernikako larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.
Euskadik Estatuko bigarren soldata-kosturik altuena izan du urteko lehen hiruhilekoan
Euskadin, soldaten kostua 2.543,50 eurokoa izan da lehen hiruhilekoan, eta Espainian, berriz, batez bestekoa 2.290,46 eurokoa.
Eusko Jaurlaritzak "ezohiko" gutxieneko zerbitzuak ezarri dizkio Gasteizko lorezainen grebari
Horiek finkatzerakoan, Ekonomia, Lan eta Enplegu Sailak Gasteizko Udaltzaingoaren eta suhiltzaileen bi txosten hartu ditu kontuan, "berdegune batzuen eta hiri-bide batzuen egungo egoeraren arriskuaz ohartarazten dutenak".