Gorenak onartu du EBko Auzitegiaren doktrina hipoteka-gastuak erreklamatzeko preskripzio epearen inguruan
Auzitegi Gorenak bere egin du Europar Batasuneko Justizia Auzitegiak apirilaren 25ean emandako doktrina, eta irizpide gisa ezarri du kontsumitzaile batek bidegabe ordaindu dituen hipotekaren gastuak erreklamatzeko preskripzio-epea ordainketa horiek egitera behartzen zuen klausularen baliogabetasuna erabakitzen duen epai irmoaren data izango dela.
Hala ere, Gorenak ateak zabalik uzten dio epearen hasiera beste data batean ezartzeari, baldin eta erakunde mailegu-emaileak kontratuetan froga badezake kontsumitzaileak klausula horren berri izan ahal zuela.
Honenbestez, Auzitegi Gorenak Europar Batasuneko Justizia Auzitegiak apirilaren 25eko epaian ezarri zuen doktrina onartzen du. Bertan nabarmentzen zuenez, klausula baten baliogabetasuna ezartzen duen ebazpena irmo bihurtzen den egunean jabetzen da kontsumitzailea haren irregulartasunaz.
Beraz, data horretatik aurrera, Europako araudiak ematen dizkion eskubideak eraginkortasunez baliatzeko moduan dago, eta orduan has daiteke zenbatzen itzulketaren preskripzio-epea; izan ere, akzio horren xede nagusia da klausula hori izan ez balitz kontsumitzaileak izango lukeen egoera lehengoratzea.
Ekainaren 14an emandako epaian, Gorenak azaltzen du ez dagokiola doktrina-mailako oharrak egitea EBko Auzitegiaren jurisprudentziaren edukiari buruz, ezta Europar Batasuneko estatu kideetako zuzenbide pribatuko sisteman dituen ondorioei buruz ere.
Gainera, baztertu egin du epaiketa aurreko eskaera berri bat, Santander bankuarena hain zuzen ere (alde salatua da Gorenak ebatzi berri duen auzian); izan ere, auzitegiak uste du Europar Batasuneko Justizia Auzitegiak dagoeneko argitu dituela.
Horrela, EBko Auzitegiak ebatzitakoa bere gain hartzen duen epaia eman du Gorenak. Hala, aztertu duen helegitean, banku salatuak ez baitu frogatu kontsumitzaileek gastuen klausularen abusuzko egoeraren berri izan zutenik baliogabetasuna ebatzi zuen epaia irmo bihurtu aurretik, ez du uste dirua itzuli beharra preskribatuta zegoenik.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.