Europako Kontseiluak berretsi du Espainiak bidegabeko kaleratzeengatik ematen duen kalte-ordaina 'eskasa' dela
Eskubide Sozialen Europako Batzordeak Espainiaren aurkako epaia eman du, bidegabeko kaleratzeen kalte-ordainei buruzko Espainiako araudia Europako Gutun Sozialaren 24. artikulua urratzen duela. UGT sindikatuak 2022ko martxoan jarritako kexa bati erantzuten dio ebazpen honek. Aldeko 13 botorekin eta kontrako batekin Europako kontsulta-erakundeak zehaztu du bidegabeko kaleratzeagatiko kalte-ordaina "ez dela egokia biktimak jasandako kaleterako".
Nahiz eta irizpena ez den loteslea Espainiako Exekutiboarentzat, ez baitago behartuta legea aldatzera ebazpenak dioen zentzuan, ate garrantzitsu bat irekitzen du epaileek norabide horretan erabakiak har ditzaten aurrerantzean.
Nolanahi ere, iragan astean Yolanda Diaz bigarren presidenteorde eta Lan ministroak iragarri zuen sindikatuak eta enpresaburuak deituko dituela Espainian bidegabeko kaleratzeen kalte-ordainean aldaketak hitzartzeko.
Erakundearen epai osoaren berri izan ondotik, UGTk Espainiako Gobernuari, sindikatuei eta patronalari eskatu die ebazpen hori Espainiako legeriara egokitzea aztertzeko, aurrera begira bete ahal izateko.
UGTk aurkeztu zuen kexa, eta Europako Gutun Sozialaren 24 b artikulua, kaleratzeagatiko kalte-ordainari buruzkoa, urratzea leporatzen zion Espainiako Gobernuari. Artikulu horrek honako hau ezartzen du: "Lan-harremana amaitzen zaien langileen eskubidea dela, baliozko arrazoirik gabe, konpentsazio egokia edo beste konponketa egoki bat jasotzea".
Sindikatuaren arabera, Espainiako legeak "ez die eskubiderik ematen arrazoirik gabe kaleratzen dituzten biktimei kalte-ordain egokia lortzeko".
Espainiako egungo araudia
Espainian, bidegabeko kaleratzeen kasuan, kalte-ordainaren gehieneko muga ezin da 33 eguneko soldata baino handiagoa izan zerbitzu-urte bakoitzeko, 24 hileko gehieneko mugarekin. Arrazoi objektiboek eragindako kaleratzeen eta arrazoi ekonomiko, antolamenduzko, tekniko edo produktiboek eragindako kaleratze kolektiboen kasuan, gehieneko muga ezin da lan egindako urte bakoitzeko 20 eguneko soldata baino handiagoa izan, 12 hileko gehieneko mugarekin.
Espainiako Gobernuak bere legeria defendatzen du esanez ordainsarien gehieneko mugak ezartzearen helburuetako bat dela lan-kontratuaren bi aldeei segurtasun juridiko handiagoa ematea. Europako erakundeak, ordea, dio "ezin dela baztertu aurrez zehaztutako kalte-ordaina pizgarri bat izatea enplegatzaileak langileak bidegabe kaleratzeko".
Albiste gehiago ekonomia
Espainiako Gobernuak baztertu du aireportuen kudeaketa osorik Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina eskualdatzea osorik egitea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.