Espainiako Gobernuak berriro onartu du gastu-muga, eta Kongresura igorri du, aurrera egiteko babesak itxi gabe
2025-2027 eperako zerga-egonkortasunerako bidea onartu du, aurten bigarren aldiz, Espainiako Gobernuko Ministroen Kontseiluak. Uztailean Juntsek, PPk eta Voxek atzera botatako gastu-muga eta defizit helburu berberak jasotzen ditu gaur onartutakoak, eta jada Kongresuaren esku dago dokumentua. Oraingo honetan ere, ez dago bermatuta Behe Ganberan aurrera egitea.
Ministroen Kontseiluaren ondorengo agerraldian, Maria Jesus Montero Espainiako Gobernuko lehen presidenteorde eta Ogasun ministroak azaldu du "hobetzeko oso zaila den zerga-egonkortasunerako bidea" onartu dutela, "erkidegoek eta udalek zerbitzuak finantzatzeko marjina fiskal zabalagoa" eskaintzen diena.
Ohartarazi duenez, "PPk edota beste talderen batek proposamen honen kontra bozkatuz gero, hurrengo bi urteotan erkidegoak eta udalak behartuta egongo lirateke aurrekontuetan doikuntza egitera; 6.600 milioi eurokoak, erkidegoak, eta 4.950 milioi eurokoak, udalak".
2025eko aurrekontu orokorrak onartu aurreko urratsa da gastu-sabaia eta defizit-muga onartzea. Kongresuak azken horiek ontzat eman ezean, datorren urterako prestatzen ari den kontuen proposamena aurkeztuko duela esan du Monterok.
Astearte honetan onartutako zerga-egonkortasunerako bidea uztailean atzera botatakoaren berdina da, eta defizit publikoa jaistea aurreikusten du: 2025ean BPGaren % 2,5era, 2026an % 2,1era eta 2027an % 1,8ra.
Datorren urterako, bestalde, 195.353 milioi euroko gastu-muga ezartzen da, aurrekoan baino % 3,2 gehiago. Kopuru hori 199.171 milioi euroraino igoko litzateke, Europako funtsetatik jasotzea espero den 3.818 milioi euro batuta.
Albiste gehiago ekonomia
Greba mugagabea deitu dute Maderas de Llodio enpresan irailaren 22tik aurrera
Ohar batean, enpresa-batzordeak salatu du enpresak "ekoizpenaren % 40 beste lantokietara eramateko asmoa" iragarri duela. "Horrek deslokalizazioa suposatzen du, Madelas de Llodioko lantegiaren eta gure eskualdearen etorkizuna arriskuan jartzen duena".
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.