TITULAR NAGUSIAK
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Albiste izango dira: Hamaseko buruaren hilketa, Euskadi Literatura Sariak eta EITB Maratoiaren bideoklipa

Gaurkoan albiste izango direnen laburpena, bi hitzetan.
Yahya Sinwar 2018an EFE
Yahya Sinwar Hamaseko buruzagi nagusia, artxiboko irudi batean. Argazkia: EFE
author image

EITB MEDIA

Azken eguneratzea

Honako gai hauek hartuko dituzte gaur, 2024ko urriaren 17an, hedabideetako lerroburu nagusiak:

- Hamaseko buruaren hilketa: Yahya Sinwar, Hamaseko buruzagi gorena eta urriaren 7ko erasoak agindu zituena, hil duela baieztatu du Israelgo Armadak Rafah eremuan, Gazako hegoaldean, egindako operazio militar batean. Haren heriotza mugarri izan daiteke eskualdeko gatazkan: Israelek "gizonik bilatuena" akabatzeaz gain, Hamas bururik gabe geratu dela ematen du, Sinwar Hamaseko hierarkiatik bizirik atera zen urrietako bat baitzen, Ismail Haniyeh buru politikoko agintaria eta Mohamed Deif buruzagi militarra udan hil ondoren.

- Euskadi Literatura Sariak: Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak 2024ko Euskadi Literatura Sariaren azken irabazleen zerrenda iragarriko du. Gaurkoan, Gaztelerazko Literatura, Euskarazko literatura itzulpena, euskarazko saiakera eta gaztelerazko saiakera saridunak ezagutuko dira. Gainontzeko hiru irabazleak (Euskarazko Literatura, Euskarazko Haur eta Gazte Literatura eta Literatur Lanen Ilustrazioa) pasa den astean jakinarazi ziren: Jon Gerediaga, Harkaitz Cano eta David de las Heras.

- EITB Maratoiaren bideoklipa: Martin Urrutia eta Leire Martinez abeslariek euren ahotsak eta eskuak batu dituzte EITB Maratoiaren aldeko lankidetza artistiko berezi batean: "Eskutitza" kanta abestu eta bideoklip solidarioa grabatu dute. Gaixotasun kardiobaskularrak izango dira 2024ko kausa, eta Hemendik At taldearen kanta ezagunak jarriko dio soinu banda aurtengo edizioari. Izan ere, EITB Maratoiak bezala, 25 urte betetzen ditu aurten abesti horrek.

Ekonomia Euskal Autonomia Erkidegoa Eguneko Titularrak Israel Palestina Hamas Ekialde Hurbila Benjamin Netanyahu

Albiste gehiago ekonomia

GRAFCAV8905. VITORIA (ESPAÑA), 18/06/2025.- La empresa adjudicataria del mantenimiento de los jardines de Vitoria se ha visto obligada a realizar servicios mínimos tras dos meses de huelga. En la imagen uno de sus trabajadores segando el césped del parque de la Florida de Vitoria. EFE/ADRIAN RUIZ HIERRO
18:00 - 20:00
ZUZENEAN
Duela  min.

Gasteizko lorezainak lanera itzuli dira, gutxieneko zerbitzuak betetzeko

Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.

Gehiago kargatu