Garraio publikoan doakotasuna 12 urtera arte zabaltzea aztertzen ari da Gipuzkoako Aldundia
Eusko Jaurlaritzak joan den irailean iragarritako asmoen bidetik, Gipuzkoako Aldundiak ere nahi du garraio publikoa doakoa izatea 12 urtetik beherako haurrentzat. Oraingoz, 6 urtetik beherakoek dute doan garraio publikoa.
Lurraldebusen udako balantzearen berri emateko egindako agerraldian iragarri zuen, atzo, Azahara Dominguez Gipuzkoako Mugikortasun, Turismo eta Lurralde Antolamendu diputatuak aurrera begirako asmoen berri. Esan zuenez, 12 urtera artekoentzako doakotasunaz gain, garraio publikoan egun ezarrita dauden deskontuei eutsi nahi diete.
Egun, % 50eko deskontua dute herritarrek lurraldeko garraio publikoan — % 30 Espainiako Gobernuak finantzatuta eta % 20 Gipuzkoako Aldundiak— , baina hobari hori abenduaren 31n amaituko da berez. Dominguezek ziurtatu zuenez, Espainiako Gobernuak hobaria kentzea erabaki arren, Aldundiak eutsi egingo dio bereari.
Ildo beretik, Arabako Batzar Nagusiek ere, 12 urtetik beherakoentzako garraio publikoa doan izatea eskatu zuten atzo, eta eskari hori jasotzen zuen mozio bat onartu zuten. Proposamena Elkarrekin Arabak eraman zuen, eta oposizioko taldeen aldeko botoarekin egin zuen aurrera —EH Bildu, PP eta Elkarekin Araba—.
12 urtetik beherakoentzat garraio publikoa modu iraunkorrean doan izatea du helburu Eusko Jaurlaritzak, eta proposamen hori eraman du jada Euskadiko Garraio Agintaritzaren batzordera. Susana Garcia Mugikortasun Jasangarriaren sailburuak iragarri zuen neurria, joan den irailean, legealdi berrirako bere Sailak dituen ardatzak azaltzeko Eusko Legebiltzarrean egin duen agerraldian.
Zure interesekoa izan daiteke
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.