Euskal enpresak prest daude AEBrekiko estrategia aldatzeko, Trumpen garaipena ikusita
Euskal ekonomiak arretaz begiratzen die Ameriketako Estatu Batuetako hauteskundeen emaitzei, eta prest dago herrialde horrekiko kanpo-estrategia aldatzeko, Donald Trumpen politika ekonomikoaren aurrean.
Trumpen garaipenak muga-zergak handitzea ekar lezake, errepublikanoak aurreko agintaldian egin zuen bezala. Gaur egun, Euskal Autonomia Erkidegoko 1.000 enpresak esportatzen dute erregulartasunez AEBra. Iaz, 2.737 milioi euro esportatu zituzten.
Esportazioen hirugarren helmuga da, beraz, Frantzia eta Alemaniaren ostean, baina Europako herrialdeen ahultasunaren aurrean, estatubatuarra oso merkatu garrantzitsua bilakatu da.
Era berean, euskal enpresen ezarpen handiena duen bigarren herrialdea da, Mexikoren ondoren, eta hori indartu lezake Trumpen garaipenak.
Izan ere, oraindik ondorioa zein izango den zehaztazunez jakiteko goiz den arren, enpresen kanpo-estrategiaren aldaketa ekar lezake Trumpek.
Iñigo Muguruza Gipuzkoako Bazkundeko buruaren arabera, merkatuak "gehiago ixtea" izan daiteke Trumpen garaipenaren ondorioetako bat. "Merkatu horietan salmentak lortzeko, aldatu egin behar da estrategia", beraz.
"Muga-zergak jartzen direnean, enpresek inbertsioak areagotzen dituzte herrialde horietan, eta agian ezarpen gehiago ikusiko ditugu", azaldu du Muguruzak. Egun, EAEko 137 enpresa daude AEBn.
Javier Zubia Gipuzkoako Merkataritza Ganberako zuzendari nagusiak gaineratu duenez, "enpresa egokitzen joango da", eta posible da Trumpen protekzionismo handiagoak "Estatu Batuetan enpresen ezarpen produktibo handiagoa behartzea".
Gainera, AEBko ekonomiaren hazkundeak "aukera onak ematen jarraituko die" euskal enpresei. "Logik onari jarraituta, aprobetxatzeko gai izango gara", uste du.
Espainiako burtsa, behera
AEBko burtsek gora egin duten arren, Espainiako burtsa indar handiz jaitsi da Trumpen garaipenaren biharamunean.
Julen Bollain Mondragon Unibertsitateko irakasleak azaldu duenez, % 10-20ko muga-zergak ezartzeak "funtsezko sektore batzuei eragingo die: autogintza, kimikogintza eta abar".
Massimo Cermelli Deustuko Unbiertsitateko irakasleak zehaztu du Europako enpresek gorabeherak izango dituztela.
Albiste gehiago ekonomia
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".