EAEko industriak ekoitzitakoaren % 40 beste merkatu batzuetara doa, batez ere Frantzia eta Alemaniara
Euskal Autonomia Erkidegoko industriak ekoizten duen gehiena beste industria batentzat egiten du, industria-prozesuak balio-kate konplexuen bitartez lotuta daudelako, azken produktua lortu aurretik.
Oro har, bezeroa EAEn bertan dago; izan ere, ekoizpenaren % 50 EAEko beste jarduera ekonomiko batera bideratzen da, industrialera normalean.
Ekoitzitakoaren % 40 kanpora doa: % 15,5 Espainiako Estatuko beste merkatu batzuetara doa eta % 24,5 Espainiako mugetatik kanpo esportatzen da. Euskal esportazioen bi helmuga nagusiak Frantzia eta Alemania dira, EAEkoak zein Nafarroakoak. Industria-esportazioen bi heren hamar merkatutan kontzentratzen dira, baina bi erkidegoetako produkzioaren % 15 baino gehiago Frantziara eta Alemaniara bidaltzen da.
EBn daude gainerako merkatuak (Italia, Belgika, Portugal, Herbehereak, Polonia eta Suedia), baina Estatu Batuak, Erresuma Batua eta, EAEren kasuan, Mexiko ere lehen postuetan daude.
Euskal industriaren tipologiaren ondorioz, industria-sektoreko enpresek ekoizten dutenaren % 7,5 baino ez da EAEn zuzenean kontsumitzen.
Albiste gehiago ekonomia
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.
Azken egunetako txingorrak kalte "oso handia" eragin du Arabako Errioxako mahastietan
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuaren arabera, Samaniego, Navaridas, Leza eta Eskuernaga herrietan jo du gogorren.
EBk errepresaliak atzeratu ditu Trumpen muga-zergen aurrean, negoziatzen jarraitzeko
Ursula von der Leyen Europako Batzordeko presidenteak iragarri duenez, abuztuaren 1era arte jarrituko dute negoziatzen, egun horretan amaitzen baita negoziatzeko luzapena AEBk muga-zergak % 30era igo aurretik.
Metro Bilbaoko makinistek 9 eguneko lanuzteak deitu dituzte uztailaren 30etik abuztuaren 22ra
SEMAF sindikatuak kolektiboa profesionalizatzearen, erantzukizunak eta lanpostuan aurre egin beharreko arriskuak hitzarmenean jasotzea nahi du. Lanuzteak uztailaren 30ean eta abuztuaren 6, 11 eta 13an 12:30etik 16:30era eta abuztuaren 18, 19, 20, 21 eta 22an 21:00etatik 01:00etara egingo dituzte.
Talgoren operazioa "datozen egunetan, uztailean, gauzatzea" espero du Ramiro Gonzalezek
Ramiro Gonzalez Arabako ahaldun nagusiaren arabera, Sidenor buru duen euskal partzuergoak (Finkatuz Eusko Jaurlaritzaren funts publikoak eta BBK eta Vital kutxek ere parte hartzen dute horretan) Talgo erosteko negoziazioei ekin diete berriro azken egunetan, eta "bide onetik doaz". Ildo horretan, operazioa datorren astean edo uztailean gauzatzea espero duela esan du.
Jainagak lankidetza publiko-pribatua defendatu du Talgoren erosketaren testuinguruan
Jose Antonio Jainaga Sidenorreko presidenteak jaso du Joxe Mari Korta 2025 saria, "enpresa-berrikuntzaren alde egindako lanagatik". Bere hitzaldian, Talgo erosteko operazioa aipatu du, eta lankidetza publiko-pribatua defendatu du. Imanol Pradales lehendakariak euskal industriarekin duen konpromisoa eskertu dio.
Jose Antonio Jainagak 2025 urteko Joxe Mari Korta saria jaso du
Jose Antonio Jainagak Imanol Pradales lehendakariaren eta Mikel Jauregi Industria, Trantsizio Energetiko eta Jasangarritasuneko sailburuaren eskutik jaso du saria. Imanol Pradalesek eskerrak eman dizkio Sidenorreko presidenteari, bere ibilbide luzean erakutsitako konpromisoagatik, "aurrera pauso bat eman, arriskuak hartu eta inbertitzen dutenei balioa ematen dien" euskal ereduari erantzuten diolako.