Iberdrolak mezu "engainagarriak" leporatu dizkio Repsoli
Iberdrolak Repsoli "engainatzea" leporatu dio bere publizitate-kanpaina batzuen bidez, bere jardueraren errealitatearekiko fidagarria ez den informazioa erabiltzeagatik eta jasangarritasunari buruzko funtsezko datuak ez emateagatik. Petrolio-enpresak, berriz, trantsizio energetikoarekin eta jasangarritasunarekin duen konpromisoa defendatu du.
Gaur, "lehia desleiala" eta "publizitate engainagarria" egotzita Iberdrolak Repsolen aurka jarritako auziaren ahozko saioa egin dute Santanderreko 2 zenbakiko Merkataritza Epaitegian.
Bi multinazional energetikoen arteko aurrez aurrekoak ikusmin handia piztu du, eta ahozko saioa zortzi bat orduz luzatu da. Jardunaldiak bi konpainien argudioak neurtzeko balio izan du, perituen eta abokatuen bitartez.
Gaurko saioaren ondoren, Carlos Martinez de Marigorta epaileak erabakia urte honen amaieran edo 2025aren hasieran ematea espero dute.
Iberdrolaren abokatuaren hitzetan, egiaztatuta dago mezuak eta publizitate-kanpainak "engainagarriak" direla, Repsolen jarduerarekin bat ez datozelako, konpainiaren inbertsioekin "koherenteak ez direlako" eta enpresaren isuriei buruzko funtsezko datuak zabaldu ez dituztelako, eta, beraz, "engainagarriak" direlako.
Repsolen aldeko lekukotza eman duten adituek, aldiz, berretsi dute Iberdrolaren salaketak ez duela funtsik, eta, horregatik, konpainiak atzera botatzea eskatu du. Halaber, nabarmendu dute konpainia koherentea dela bere publizitate-kanpainetan merkatuan duen tokiarekin, eta azpimarratu dute enpresak "benetako" ahalegina egiten duela negozioa dibertsifikatzeko eta "multienergetikoa" izateko.
Juridikoki, salaketa aitzindaria da, izan ere, greenwashing delakoa ez dago jasota gaur egun Espainiako ordenamendu juridikoan.
Iberdrolako iturriek jakitera eman dutenez, "greenwashingari buruz hitz egitea beti da positiboa kontsumitzaileak eta Lurra babesteko, eta herritarrek benetako informazio argia eskatzen dute, amarrurik gabe, sortu duen interes mediatikoarekin ere frogatu dena".
Bestalde, Josu Jon Imazek zuzentzen duen taldeko iturriek azpimarratu dutenez, Iberdrolak "merkatu elektrikoan Repsolen lehia mugatu nahi du (2,4 milioi bezero ditu), lehia desleialaren legea eta publizitate engainagarriaren akusazioak erabiliz, argudio eta mezu lerratuetan eta testuingurutik ateratakoetan oinarrituta".
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.