Iberdrola eta Repsol, aurrez aurre auzitegian, 'greenwashing' leporatuta Espainian egingo den lehen epaiketan
Iberdrola eta Repsol aurrez aurre izango dira gaur, ostegunarekin, Santanderreko (Kantabria) merkataritza-arloko 2. zenbakiko epaitegian argindar enpresak petrolio konpainiaren aurka salaketa bat aurkeztu du eta. Iberdrolak lehia desleiala eta publizitate engainagarria egitea egotzi dio Repsoli, eta, hala, Espainiako Estatuan greenwashinga edo ekologismoarekin itxurakeria egitearekin zerikusia duen lehen epaiketa izango da honakoa.
Otsailean aurkeztu zuen demanda Iberdrolak. Bertan, Ignacio Sanchez Galan buru duen enpresak jasangarriak omen ziren ekimenen inguruko publizitatea egitea egotzi zion Repsoli "berez, enpresaren eskaintza erregaiak erabiltzea denean" eta bere burua jasangarritzat jotzea "enpresaren jardunaren gutxiengoa denean" —petrolioa da jardun nagusia—.
Argindar enpresak Antonio Brufau buru duen konpainiaren hiru publizitate kanpaina eta Repsolen webgunean jasotako dozena bat erreferentzia begiz jo zituen, eta "engainagarriak" zirela salatu. Hori horrela, Ibedrolaren ustez, praktikok lehia desleiala egiten diete berez jasangarriak diren enpresei. Horren aurrean, Repsol zigortzea eta kanpainok erretiratzea eskatuko du Iberdrolak, argitaratu ziren modu bertsuan.
Repsolek, baina, trantsizio energetikorako duen estrategia defendatuko du. Josu Jon Imaz petrolio enpresaren kontseilari delegatuak bere garaian salatu zuenez, salaketa Iberdrolaren "urduritasuna" jartzen du agerian, eta Repsolen "hazkundea mugatzea" beste asmorik ez du.
Aurrekaririk gabeko demanda Espainian
Epaiketa Kantabriako hiriburuan izango da, bertan baitu Repsolek argindarra eta gasa merkaturatzeko egoitza. Epaia urte amaierarako edo 2025 hasierarako aterako da, iturri juridikoen arabera.
Salaketak ez du aurrekaririk Espainiako Estatuan, greenwashinga ez baitago jasota ordenamendu juridikoan.
AEBn, Erresuma Batuan, Alemanian edo Italian, ordea, ezarri dituzte eko-itxurakeriaren kontrako neurriak, batez ere petrolio enpresen aurkakoak. Europar Batasunean greenwashingari aurre egiteko neurriak jasotzen dituen zuzentarau bat onartu zuten otsailean, baina Espainiak ez du oraindik aplikatu.
Zure interesekoa izan daiteke
Oiartzunen atzo izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".