Gidaririk gabeko lehen garraio zerbitzu publikoa helburu duen ekimena aurkeztu du Gipuzkoako Aldundiak
Gidaririk gabeko mugikortasun eredu aitzindaria abiarazi nahi du Gipuzkoako Foru Aldundiak, herri txikietako garraio publikoaren osagarri gisa, eta horretarako esperientzia pilotua martxan jarri ere bai: Abaltzisketa eta Amezketa arteko bidea hautatu du horretarako. Bi udalerri horiek lotzen dituen errepidearen ezaugarriak aztertuko dituzte aurrena, auto autonomoen teknologiak mota horretako bideetara egokitzeko duen gaitasuna neurtzeko: bihurguneak, maldak eta bestelako baldintza aldakorrak identifikatuko dira.
Eta behin hori eginda, datorren urteko martxotik aurrera, herritarrek probak egin ahal izango dituzte ibilgailu autonomo batekin, eta euren iritziak jakinarazi. Aurreneko probaldi fasean, gidaria izango du autoak. "Gipuzkoako landa inguruneko mugikortasuna eraldatzea, garraio publikoko sistemaren osagarri gisa, herri txikietan bizi diren herritarren beharrak asetzeko". Hori da ekimenaren xedea.
LandaGO izena du proiektuak, eta goizean aurkeztu dute, Abaltzisketan. Han izan dira, besteak beste, Eider Mendoza Gipuzkoako Foru Aldundiko diputatu nagusia, eta Jon Zubizarreta, Mikel Arteaga eta Gorka Urteaga, Abaltzisketako, Amezketako eta Zeraingo alkateak, hurrenez hurren. Egitasmo publiko-pribatua da, eta han izan da, baita ere, proiektua koordinatu eta garatu duten Vicomtech, BCCAM eta Europage enpresa eta erakundeen ordezkaritza bat.
Egindako hitzaldian, Mendozak nabarmendu du Europa mailan "mugikortasun autonomoan aitzindaria" izango dela proiektua, eta "udalerri txikietako garraio aukerak eraldatzea" duela helburu, "udalerri horietan bizi diren herritarren ongizate sozial eta ekonomikoa hobetzeko balioko duen zerbitzu berritzaile bat garatuz". "Funtsezkoa da landa inguruneko biztanleek hiriguneetan bizi diren pertsonek dituzten aukera berberak izatea mugikortasunari eta zerbitzuei dagokienez", gehitu du.
Bere aldetik, Abaltzisketako alkateak proiektu honen "garrantzia" azpimarratu du, "landa-ingurunean kokatutako udalerri txikiek ere abangoardiako irtenbide teknologikoak izan eta horiek erabili ahal izateko, herritarren ongizateari lagunduko dion zerbitzua emateko, hiri-inguruneetan egiten den bezala". Azaldu duenez, sistema horrek herritarrak gainerako udalerriekin konektatzeaz gain, "gure herri txikiak bizirik mantentzen lagunduko du".
Hurrengo urratsak
Lehen proba pilotua amaituta, Zerain eta Segura arteko bidean beste bat egingo da, 2025eko abuztutik abendura bitartean. Abaltzisketa eta Amezketa arteko tartean ikasitakoak ezarriko dira han, eta datu gehiago bilduko dira. "Zerbitzua tokian tokiko beharretara egokitzea eta fase bakoitzean eredua optimizatzea" da asmoa.
Aurreikusten da 2026ko erdialdetik aurrera "Abaltzisketa eta Amezketa eta Zerain eta Segura artean ibilgailu elektriko autonomo bat ezarri eta jarduteko lehen probak" egitea.
Albiste gehiago ekonomia
LABek "udazken beroa" iragarri du patronalarentzat, EAErako LGS propio bat negoziatzea onartzen ez badu
Igor Arroyo LABeko koordinatzaile nagusiak adierazi duenez, patronalak 1.500 euro gordineko LGS ezartzeko proposamena "blokeatzen" jarraitzen badu, LABek "gatazkak sortuko ditu mahaiz mahai diru-sarrera horien azpitik dauden sektore guztietan". Imanol Pradales lehendakariari ere dei egin dio, eta Confebaski "presioa" egiteko eskatu dio, negoziazio mahaian "eser dadin". Eusko Jaurlaritzak "horretarako baliabideak" dituela gaineratu du.
Espainiako Gobernuak ez du onartu aireportuen kudeaketa osoa Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina osorik eskualdatzea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.