Confebaskek dei egin die enpresei LH duala "are gehiago" erabiltzeko, talentu gaztea erakartzeko bide gisa
Enpresen "lehiakortasuna hobetzeko" zein "talentu gaztea arrakastaz erakartzeko" bide "bikaina" da Lanbide Heziketa dualeko EAEko eredua. Hala uste du Tamara Yagüe Confebask patronalaren presidenteak, eta, zentzu horretan, mezu argia helarazi die enpresaburuei: "Anima zaitezte lanbide heziketa duala are gehiago erabiltzera", esan die.
Patronalak deituta, Enpresa&LH ekitaldiaren 31. edizioa hartu du gaur Bilboko Euskalduna Jauregiak. Lanbide heziketako zentroen eta enpresen arteko lankidetza sarea sendotzea eta zabaltzea du helburu ekitaldiak, eta han izan dira zenbait ikastetxe eta enpresaren ordezkariak. Eusko Jaurlaritzaren izenean, Begoña Pedrosa Hezkuntza sailburuak hartu du parte.
Ekitaldian, Lanbide Heziketan titulatu berri diren 400 gazte inguru elkartu dira, eta diplomak banatu zaizkie. Horiei ere zuzendu zaie Yagüe bere hitzaldian, "proaktiboak" izan daitezela eskatzeko. "Zuen jarrera funtsezkoa da. Ziurta diezazueket enpresetan ibiltzen diren ikasle askori ez dietela handik ihes egiten uzten. Proaktibo dihardutenak dira, beren zereginen esparutik harago egiten diren jarduerekiko interesa erakusten dutenak. Egin ezazue proba. Egon zaitezte jarrera ekintzalea izateko prest, eta eman zeuen buruari hazten jarraitzeko aukera", azaldu die.
Confebaskek emandako datuen arabera, eredu duala 2012an martxan jarri zenetik, 40.000 gazte inguru formatu dira EAEko 22.000 enpresa baino gehiagotan. Yagüeren hitzetan, "enpresen, erakundeen eta hezkuntza sistema osoaren inplikazioari esker, Espainiako Estatuan zein Europar Batasunean erreferente den eredu bat finkatu dugu".
Azkenik, Pedrosa sailburuari esan dio "Confebask aliatu estrategiko bat" dela Jaurlaritzarentzat, "gazteen heziketa hobetzen jarraitzeko". Erantsi du "LHren Lege Organiko berria Euskadin lurreratzen laguntzeko" prest dagoela patronala.
Bere aldetik, sailburuak "erakundeen arteko lankidetza" goraipatu du, bere hitzetan, "ikasleen prestakuntza praktikoan aurrera egitea ahalbidetu baitu, bai euskal enpresetan, bai atzerrian. Halaber, Pedrosak aipamen berezia egin nahi izan die LHko emakume ikasleei, lanbide-arloetara sartzen diren "ikasleen artean genero-berdintasuna bultzatzen ari direlako". "Ekitatearen, errespetuaren, kohesioaren eta gizonen eta emakumeen arteko berdintasunaren aldeko apustua egiten jarraitzeko beharra" azpimarratu du.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.