AEBko Erreserba Federalak hirugarren aldiz murriztu ditu tasak 2024an, eta 0,25eko jaitsiera aplikatu du
Estatu Batuetan interes-tasak puntu laurden jaitsiko direla iragarri du Erreserba Federalak asteazken honetan. Urteko hirugarren eta azken jaitsiera izan da, eta irailetik hirugarrena jarraian.
Gauzak horrela, tasen erreferentzia-tasa % 4,25etik % 4,5era bitartekoa da, AEBko banku zentralak ohar bidez jakinarazi duenez, murrizketak hasi aurretik baino puntu bat gutxiago.
Argitaratu ohi dituen gisako komunikatuan, Erreserba Federalak azaldu du doikuntza gehigarriak egiteko "kontu handiz ebaluatuko" direla sartzen diren datu ekonomikoak eta etorkizuneko arriskuak.
"Merkatu Irekiko Batzorde Federalak (FOMC, ingelesez) enplegu-tasa handiena eta % 2ko inflazioa lortu nahi ditu epe luzean. Batzordearen ustez, enpleguko eta inflazioko helburuak lortzeko arriskuak orekatuta daude, gutxi gorabehera. Aurreikuspen ekonomikoak zalantzazkoak dira", dio bi eguneko bilera amaitutakoan argitaratutako komunikatuak.
Erreserba Federaleko gobernadoreen iragarpenen medianak beste txosten batean adierazi zuenez, 2025erako bi murrizketa gehiago aurreikusten dira, % 3,9an kokatzeraino (% 3,75etik % 4ra bitarteko tartearen baliokidea).
Zifra horiek erakusten dute kide gehienek uste dutela jaitsierak datorren urtean zehar izango direla, baina ez du esan nahi, nahitaez, beherakadarik egongo denik.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.