Langabezia % 0,37 jaitsi zen 2024an EAEn, eta 1,22 igo Nafarroan, 2023arekin alderatuta
2024. urtearen amaieran 107.380 langabe zeuden Euskal Autonomia Erkidegoan (EAE), aurreko urteko epe berean baino 399 pertsona gutxiago (% 0,37), Espainiako Lan eta Ekonomia Sozialerako Ministerioak eta Eusko Jaurlaritzako Lan eta Enplegu Sailak gaur goizean zabaldutako datuen arabera. Nafarroan 30.355 pertsona zenbatu zituzten lanik gabe, eta iazko abenduarekin alderatuta, langabeziak % 1,22 egin du gora (367 pertsona gehiago).
EAEn azaroan baino 514 langabe gutxiago zeuden abenduan (% 0,48), eta, Nafarroan, berriz, 172 gehiago (% 0,57).
Gauzak horrela, bigarren hilabetez langabeziak behera egin du Euskal Autonomia Erkidegoan; aitzitik, Nafarroan seigarrenez jarraian igo egin da.
Lurraldez lurraldeko datuei erreparatuta, 707 langabe gutxiago daude Araban (% 3,71), 1 gutxiago Gipuzkoan (% 0) eta 309 gehiago Bizkaian (% 0,51). Azken hilabetean Bizkaian eta Gipuzkoan langabeziak behera egin du, 445 (% 0,73) eta 103 (% 0,36) langabe gutxiagorekin. Araban, aldiz, 34 langabe gehiago zenbatu dituzte, % 0,19 gehiago.
Kontratazioari dagokionez, 57.504 kontratu berri sinatu ziren abenduan eta horietatik % 20 izan ziren mugagabeak (11.490 kontratu).
Espainiako Estatuan 2.560.718 langabe zeuden Espainiako Estatuan 2024. urtearen amaieran, 2007ko abendutik izandako kopururik txikiena. Azarotik abendura 25.300 pertsona gutxiago zenbatu dituzte, eta 2023ko abendutik 2024ko abendura, 146.738 pertsona gutxiago (% 5,42).
Afiliazioa
Gizarte Segurantzako afiliazioak marka historiko berri bat ezarri du Euskal Autonomia Erkidegoan, 1 024 511 pertsona baitaude izena emanda, Espainiako Gizarte Segurantza, Inklusio eta Migrazio Ministerioak ostiral honetan zabaldutako datuen arabera.
Azken urtean 11.563 afiliatu irabazi ditu Gizarte Segurantzak EAEn, % 1,14 gehiago.
Azaroarekin alderatuta, berriz, 1.613 afiliatu gehiago daude EAEn (% 0,16).
Bestalde, 4.301 afiliatu (% 1,45) irabazi ditu Nafarroako Gizarte Segurantzak, eta iaz hilabete berean baino 4.587 gehiago (% 1,50) dira. Gauzak horrela, guztira, 310.336 pertsona daude Gizarte Segurantzan izena emanda Nafarroan.
Eusko Jaurlaritzaren eta Nafarroako Gobernuaren balorazioa
Maria Aranzazu Martinez Tobalina Eusko Jaurlaritzako Enplegu zuzendariaren arabera, EAEk datu onekin amaitu du urtea enplegu sortzeari eta afiliazioari dagokionez, abenduan Gizarte Segurantzan izena emanda daudenen kopurua inoizko altuena baita. Guztira, 107.380 pertsona daude Lanbiden izena emanda, eta 2008tik abenduan izandako kopururik txikiena da. Abenduan langabeziaren beheranzko joera hori mantendu egin da 2012tik.
Carmen Maeztu Nafarroako Gobernuko Gizarte Eskubideen kontseilaria langabezia eta afiliazio datuen balorazio gazi-gozoa egin du. Alde batetik, pasa den urtean inoizko afiliazio daturik onena lortu zela nabarmendu du, eta urtea iaz baino 4.600 langile gehiagorekin amaitu dela. Bestetik, onartu du langabezia datuak nahiko egonkor mantendu diren arren (30.000 langaberen bueltan), azken urtean langabeziak gora egin duela pixka bat.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".