EAErako gutxieneko soldata propioa ezartzeko negoziazio mahaia eratzea eskatu dute sindikatuek LHKn
Euskal Autonomia Erkidegorako lanbide arteko gutxieneko soldata propioa adosteko negoziazio mahaia eratzeko eskaria erregistratu dute ELA, LAB, CCOO eta UGT sindikatuek Lan Harremanen Kontseiluan (LHK), Bilbon. Bilera otsailaren 6an egitea proposatu dute.
Gaur goizean, lau sindikatuon ordezkariek, bakoitzak bere aldetik, erregistratu dute bilera egiteko eskaria eta horrela, modu koordinatuan, Confebask patronalari negoziazioa zabaltzea eskatu diote, EAEko lan-hitzarmenak eguneratu eta gutxieneko soldata adosteko.
Orain, behin eskariak erregistratuta, LHK erakundeari dagokio bilera deitzeko epea zabaltzea eta aldeekin eguna adostea.
ELA, LAB, ESK, Steilas, Etxalde eta Hiru sindikatuek bat egin dute gutxieneko soldata propio baten aldeko borrokan, eta elkarrekin hasitako bide horretan, joan den asteazkenean lehen urratsa eman zuten, Eusko Legebiltzarrean eta Nafarroako Parlamentuan herri ekimen legegile bana erregistratuta. Zentralok uste dute lanbide arteko gutxieneko soldataren gaineko akordioa eta herri ekimen Legegileak "bide osagarriak" direla, eta bi bideak elkarrekin lantzearen alde egin dute.
Gaur zabaldutako ohar batean, ELAk nabarmendu du Espainiako Estatuko gutxieneko soldata ez datorrela bat Euskal Herriko langileen beharrekin, eta ez dela nahikoa pobrezian bizi diren herritarrak egoera horretatik ateratzeko.
Sindikatu abertzaleak Espainiako INE estatistika institutuaren azken datuak ekarri ditu gogora. Horren arabera, EAEn 39.547 eurokoa da per capita errenta, eta Nafarroan, 37.088koa. Aldiz, Estatuan, 30.968 eurokoa.
Bere aldetik, Oihana Lopetegi LABen Ekintza Sindikaleko idazkariak, eskaria erregistratu ondoren hedabideen aurrean egindako adierazpenetan, azaldu du euskal langileen bizi baldintzak nabarmen hobetuko liratekeela, gutxieneko soldata propio bat adostuta.
Ildo beretik mintzatu da Fran Osuna CCOO-Euskadiko Ekintza Sindikalaren arduraduna ere. Lau sindikatuon arteko elkarlana azpimarratu du, euskal herritarren bizi baldintzak hobetzeko bidean.
Confebask, sindikatuei "entzuteko" prest
Berehala etorri da Confebasken erantzuna, eta baieztatu du sindikatuekin bilduko dela eta gutxieneko soldataren gainean dituzten proposamenak zeintzuk diren entzungo dituela. Nolanahi ere, ez du argitu bere jarrera zein den.
Eusko Jaurlaritza
Bestalde, Gobernu Kontseiluaren ondorengo prentsaurrekoan, Maria Ubarretxena Eusko Jaurlaritzaren eledunak berretsi du patronalari eta sindikatuei dagokiela gutxieneko soldatari dagokion adostasuna ixtea.
Gogorarazi du Ekonomia, Lan eta Enplegu Sailak gaia lantzeko "konpromiso irmoa" duela, nabarmenduz horretara bideratutako diru-partida bat onartuta duela.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.