Euskadik bere eskaintza turistikoa aurkeztu du Fiturren, eta turismo arduratsu eta jasangarria bultzatuko du
Eusko Jaurlaritzako Turismo, Merkataritza eta Kontsumo Sailak 2025eko Nazioarteko Turismo Azokarako (Fitur) proposamena aurkeztu du astelehen honetan. Azoka urtarrilaren 22tik 26ra egingo da, Madrilen.
Euskadik 900 metro karratuko stand berritzaile bat izango du, tradizioa eta modernitatea konbinatzeko diseinatua, eta jasangarritasunarekin duen konpromisoa eta sektoreko profesionalen lana nabarmentzera bideratua.
"Turismoa beste sektore batzuen suspertzailea da, hala nola garraio, kultura eta merkataritzarena. Arrakastaren oinarria eredua jasangarria izatea da, bisitarien, sektoreko profesionalen eta herritarren arteko oreka lehenesten duena", esan du Hurtadok.
Aurtengo Fiturren, Euskadik sentsibilizazio-kanpaina bat aurkeztuko du turisten eta egoiliarren arteko bizikidetza sustatzeko, eta, horrez gain, Euskadiko Turismoaren Kode Etikoa finkatuko du; dagoeneko, 800 enpresak baino gehiagok egin dute bat harekin. Kode horrek trebakuntza, ebaluazioa eta auditoriak barne hartzen ditu, iraunkortasunarekiko eta kalitatearekiko konpromisoa indartzen dutenak, sailburuak nabarmendu duenez.
Standaren diseinua txalaparta handi batean oinarrituko da, eta pantaila interaktiboak izango ditu, Grand Tour Euskadi Basque Country promozionatzeko. Zortzi etapako ibilbidea da, eta ekoturismoko, zikloturismoko, turismo industrialeko, familia-turismoko eta turismo gastronomikoko esperientziak nabarmentzen ditu. Gainera, turismoaren desestazionalizazioa eta bisitarien birbanaketa sustatu nahi ditu lurralde osoan.
Hurtadok azpimarratu du Fitur plataforma garrantzitsua dela turismo sektorearentzat. Aurreko edizioan 800 bilera profesional baino gehiago egin ziren, eta 2025ean kopuru hori gainditzea espero dute. Gune horretan, streaming bidez, 25 instituzio eta enpresak baino gehiagok egingo dituzte aurkezpenak, bilera-eremu zabalago batean.
"Euskadiko turismoa zifraz harago doa; gizarte kohesionatuago eta orekatuago bat eraikitzeko tresna da", amaitu du sailburuak, eta herritarrei ekonomikoki, kulturalki eta sozialki mesede egingo dien turismo arduratsuarekiko konpromisoa berretsi die.
Hurtadok Sailaren turismo-estrategiaren arrakasta nabarmendu du. Eskaria urtarokotasuna baztertzeko eta nazioarteko bisitari gehiago erakartzeko helburuei garrantzi berezia eman nahi izan die, EAEra datozen turistek egonaldi luzeagoa eta gastu handiagoa egiten baitute jada.
Hala, azpimarratu du "datuek" bermatzen dutela Basquetourren inbertsioen "errentagarritasuna" eta kudeaketa ona; izan ere, Euskadin turismoak % 4 egin zuen gora azarora arte, baina udako hilabeteetan igoera % 1,4koa baino ez zen izan, eta urteko gainerako hilabeteetan % 5,4koa; nazioarteko turista kopurua % 7 igo zen, eta Estatukoak, berriz, % 0,7.
"Bost hilabetez jarraian, maiatzetik irailera, nazioarteko turista gehiago izan ziren, Estatukoak baino", azpimarratu du sailburuak, eta Euskadi "nazioartean ezaguna, bereizia eta kalitatezkoa" dela esan du.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.