Pesa poloniarrak Societe Generale fitxatu du Talgo Erosteko Eskaintza Publikoa egiteko
Poloniako Estatuak kontrolatzen duen Pesa tren-fabrikatzaileak Societe Generale banku frantziarra kontratatu du Talgoren akzioak Erosteko Eskaintza Publikoa (EEP) egiteko, nahiz eta, gaur-gaurkoz, operazio hori ez lukeen onartuko Espainiako Gobernuak, Hungariaren antzeko eskaintza bat errefusatu zuela kontuan hartuta.
Espainiako Gobernuaren gertuko iturriek azpimarratu dutenez, Sidenorren eskaintza da orain arte mahai gainean dagoen onena Talgo erosteko, ezarritako bi baldintzak betetzen baititu: indarrean dituen eskaerei aurre egiteko gaitasuna handitu dezakeen duen enpresa da eta erabakimena Espainiako Estatuan mantenduko luke.
El Confidencial egunkariak aurreratutako informazioaren arabera, Societe Generale prest agertu da Poloniako PFR funtsari (Pesa kontrolatzen du) behar den finantzaketa emateko, Talgoren akzioak Erosteko Eskaintza Publikoa abiarazteaz gain, Talgoren zorra bera birfinantzatzeko.
Hala ere, ez du erraz izango Espainiako Gobernuaren galbahetik pasatzea, ez baitu herrialdearentzat estrategikoa den Talgo enpresa atzerritarren esku utzi nahi, herritarren mugikortasunaren inguruko erabakiak kanpoan hartzea "arriskutsua" litzatekeelako.
Espainiako Gobernuak urtarrila amaitzerako topatu nahiko luke irtenbidea; azken asteotan garbi adierazi du Sidenorren aldeko apustua egiten duela, eta atzerriko enpresak Talgon sartzekotan, oso zati txikiarekin sartzeari baino ez diola irekitzen atea, erabakimena Espainian mantendu ahal izateko.
Poloniako prentsa hasi da Talgo erosteak edo harekin fusionatzeak Poloniari emango lizkiokeen onurez hizketan, besteak beste, abiadura handiko trenen garapenari bultzada ematea (Pesak ez du AHTrik ekoizten, Talgok bai), Ukrainako mugan trenak gurutzatzea erraztea, bidearen zabalerak desberdinak baitira batean eta bestean, eta Talgoren teknologia batek ahalbidetu egiten du bietara egokitzea.
Espainiako Gobernuaren lehentasuna, haatik, herrialdearentzat historikoa den enpresa baten etorkizuna bermatzea da, baina, aldi berean, akziodun nagusia den Trilantic funts ingelesak bere akzioetatik ahalik eta etekin handiena ateratzeko duen eskubide legitimoa ez eragozteko modua bilatzen saiatzen ari da.
Horren harian, Sidenorren eskaintza akzioko 4 eurokoa da, gaur egungo akzioko 3,6 euroko kotizaziotik gora baina hungariarrek eskaini zituzten 5 euroetatik oso behera. Hain zuzen, hori da negoziazioetan gainditu beharreko oztopo nagusia.
Talgok % 6 egin du gora burtsan gaur
Talgok % 6 baino gehiago egin du gora ostiral honetan burtsan, Pesaren eta Societe Generaleren arteko mugimendua ezagutu ostean. Zehazki, Madrilen eta Araban lantegiak dituen Espainiako trenen fabrikatzailen akzioak % 6,23an zirela itxi da burtsako jardunaldia, tituluen prezioa 3,75 eurora iritsita.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".