Lurzoru publikoko erreserba bat sortzea eta gazteentzako bi abal lerro berri iragarri ditu lehendakariak
Imanol Pradales lehendakariak iragarri duenez, lurzoru publikoko erreserba handi bat sortzea ahalbidetuko du Eusko Jaurlaritzak EUDEL Euskadiko Udalen Elkartearekin lortu duen eta hurrengo asteetan sinatuko duen akordioak. Halaber, ekainetik aurrera gazteei zuzendutako bi abal lerro zabalduko direla aurreratu du.
Euskadiko Hirigintza eta Etxebizitza Foroak lehen osoko bilkura du gaur Bilboko Euskalduna Jauregian, eta, lehendakariak ez ezik, Denis Itxaso Etxebizitza eta Hiri Agendako sailburuak ere hartu du parte, besteak beste.
Lehendakariak bere hitzaldian iragarri duenez, Eusko Jaurlaritzak akordioa sinatuko du EUDELekin hurrengo asteetan etxebizitzaren arazoari soluzio bateratu bat bilatzeko bidean udalak ere inplika daitezen. Akordio horren baitan, Euskadin lurzoru publikoko erreserba handi bat sortuko da, etxebizitza babestua eraikitzeko kalifikatutako lurzoru publikoa mobilizatuko da eta azalera handiko etxebizitza zaharrak banatzea bultzatuko da.
Era berean, lehendakariak aurreratu du ekainetik aurrera gazteei zuzendutako bi abal lerro eskuragarri egongo direla; batetik, maileguaren finantzazioa osatu ahal izateko, eta, bestetik, alokairuen fidantza ordaintzeko. "Badakigu gaur aurkezten ditugun neurriak ez direla nahikoak izango. Baina gaude soluzioaren parte izango direla", adierazi du lehendakariak.
Etxebizitza duinerako sarbidea bermatzea Eusko Jaurlaritzaren "lehentasun politikoa" dela nabarmendu du lehendakariak, zailtasunak onartuta. "Etxebizitzaren erronka ez da soluzio magikoekin konpontzen. Ez dago horrelakorik. Baina Eusko Jaurlaritza gisa beharrezko urrats guztiak emango ditugu Euskadin etxebizitza eskuratzeko aukera berriak sortzeko", gaineratu du.
Bestalde, Denis Itxasok azpimarratu duenez, "aldaketak behar dira, eta Jaurlaritza entzutera eta egin beharreko aldaketak egitera etorri da. Hori da gure konpromisoa". Etxebizitza sailburuaren arabera, Hirigintza eta Etxebizitza Foroa "funtsezko tresna da egin beharreko erreformetan asmatzeko eta adostasunak eraikitzeko, etxebizitza oinarrizko eskubide gisa eta ez pribilegio gisa eskuratzea bermatuko duen bizitegi-eredu baterantz aurrera egiteko".
Halaber, foroaren izaera pluralari balioa eman dio, izan ere, erakunde instituzionalak, sozialak eta profesionalak ordezkatzen dituzten 51 ordezkaritza izango ditu (4 Etxebizitza Sailekoak, 3 Eusko Jaurlaritzako beste sail eta erakunde batzuetakoak, 12 toki-erakundeetakoak, 15 gizarte-erakundeetakoak eta 17 etxebizitzaren esparru profesionaleko erakundeetakoak). Ildo horretan, "soluzioak ahots guztiak entzunda eraiki behar dira, ahulenak zein merkatuan eraldatzeko gaitasuna dutenak", adierazi du Itxasok.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.