Haurreskolen lanuzteak % 85eko jarraipena izan duela diote sindikatuek; Hezkuntzak, berriz, % 48koa dela dio
EAEko hezkuntza publikoan deitutako 12 eguneko lanuzte-sortaren barruan, Haurreskolak Partzuergoan bigarren greba-eguna dute gaur, LAB, ELA eta Steilas sindikatuek deituta. 1.500 haur hezitzaile eta kudeaketa alorreko langile daude grebara deituta. Elkarretaratzeak ere egin dituzte, 11:30ean, Hezkuntza Sailak Gasteizen, Bilbon eta Donostian dituen egoitzen aurrean.
Lehen lanuzteak bezala, bigarrenak ere "jarraipen zabala" izan duela esan dute sindikatuek, "% 85etik gorakoa". Gaur ere, deitzaileek salatu dute Eusko Jaurlaritzak ezarritako gutxieneko zerbitzuak "gehiegizkoak" izan direla eta, ondorioz, "hamarnaka haur hezitzaileri greba-eskubidea ukatu" zaiela.
Jaurlaritzak, berriz, "zentroek bidalitako datuak" kontuan hartuta, grebaren jarraipena %48,96koa izan dela azaldu du.
Zabaldu duten ohar bateratuan, LABek, ELAk eta Steilasek ohartarazi dute Eusko Jaurlaritzak euren aldarriei erantzuten ez badie, mobilizazioei eutsi egingo dietela —otsailaren 12an eta 13an ere grebara deituta daude—, eta zentzu horretan, Eusko Jaurlaritzari zein Haurreskolen Partzuergoari "grebak desaktibatzeko estrategiak alboratzeko" eta "proposamenak egiteko" eskatu diete. "Hezkuntza publikoa indartzeko ezinbestekoa da inbertsioa handitu, baliabidez hornitu eta lan baldintzak hobetzea", azpimarratu dute.
Gogoratu dute "16 urtez hitzarmena eguneratu gabe" dutela.
Aldarrikapenak
Mobilizazioen bidez, besteak beste, lan-kargak arintzeko, erretiroa aurreratzeko, erosahalmena berreskuratzeko, enplegua egonkortzeko eta bermatzeko, eta lan-osasuna, euskara eta berdintasuna bermatzeko neurriak aldarrikatu nahi dituzte sindikatuek
Uste dute Hezkuntza Sailak hezkuntza publikoa indartu eta inbertsio publikoa handitu behar duela, beharginen lan-baldintzak hobetzeko eta "eskola publikoa erdigunean kokatzeko".
Sindikatuek gogorarazi dute grebara deitutako kolektiboen lan-hitzarmenak iraungita daudela, eta, zehazki, Haurreskolen Partzuergoko eta sukalde eta garbiketa langileen hitzarmenak 2009koak direla, eta irakasleenak, 2010koak.
Kolektiboei egokitutako aldarrikapen zehatzak dituzte, baina zazpi eskaera komun adostu dituzte, hala nola "gero eta handiagoak diren lan-kargak arintzeko neurri zehatzak, plantillak gaztetzeko egitasmoa aurrera eramatea erretiroa aurreratzeko, galdutako erosahalmena berreskuratzeko, enplegu publikoa egonkortzeko eta bermatzeko zentro publikoen fusioen eta itxieren aurrean".
Joan den astean, unibertsitatez kanpoko zentroetako irakasleak atera ziren kalera. Datorren ostegunean eta ostiralean, berriz, sukaldeetako eta garbiketako langileak mobilizatuko dira.
Eusko Jaurlaritza
Bere aldetik, Blanca Guerrero Administrazio eta Zerbitzuen sailburuordeak zehaztu du atzo proposamen berri bat helarazi ziela Jaurlaritzak sindikatuei, "ekimen zehatzekin eta egutegi jakin batekin". Elkarlanerako deia egin du:
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.