Lan Ministerioak UGT eta CCOO sindikatuekin adostu du gutxieneko soldata 50 euro igotzea, 1.184 eurora arte
Yolanda Diaz Lan ministro eta bigarren presidenteordeak iragarri du akordioa itxi duela UGT eta CCOO sindikatuekin lanbidearteko gutxieneko soldata (LGS) hilean 50 euro igotzeko, hileko 1.184 euro gordinera arte.
"Elkarrizketa sozialak funtzionatzen du", nabarmendu du presidenteordeak gaur eragile sozialekin izandako bileraren ostean. Diazek eskerrak eman dizkio CEOE patronalari negoziazioan egindako ekarpenengatik, nahiz eta azkenean ez duten hiruko akordiorik itxi.
Hileko 50 euroko igoera, % 4,41, Lan Ministerioak negoziazio mahaira eraman zuen proposamena da.
CEOEk % 3ko igoera proposatu zuen, aurtengo negoziazio kolektiborako esparru-akordioan jasotakoaren ildotik; sindikatuek, berriz, % 6 inguruko igoera eta hilean 1.200 eurora iristea eskatu zuten.
Igoerarekin batera, Lan Ministerioak sindikatuekin hitzartu du bi hilabeteren buruan zenbait arau aldaketa negoziatzen hastea, besteak beste, lanbidearteko gutxieneko soldataren igoerak beste plus edo osagarri batzuek xurgatzea saihesteko. Horretarako, elkarrizketa sozialerako beste mahai bat martxan jarriko dute.
Sindikatuek nahi dute araudiak jaso ditzan Lanbidearteko Gutxieneko Soldata batez besteko soldataren % 60ra iritsi behar dela, LGSren eraginpean egon daitezkeen hitzarmen kolektiboetako soldatak eguneratzeko betebeharra, eta eguneko eta orduko zenbatekoak egokitzea, 2025ean lanaldia astean 37,5 ordura murrizten bada.
Diazek iritzi du akordioa "albiste ona" dela, eta pozik agertu da horregatik; igoera "berehala" Ministroen Kontseilura eramateko asmoa agertu du, gainera. Berretsi du Lan Ministerioaren jarrera dela kopuru berria zergak ordaintzetik salbuetsita geratzea, baina Ogasun Ministerioaren eskumena da hori erabakitzea. Era berean, CCOOk eta UGTk era diote LGS zergak ordaintzetik salbuetsita geratu behar dela.
CCOOren Ekintza Sindikal eta Enplegu idazkari Mari Cruz Vicentek "albiste ontzat" jo du lortutako aurreakordioa. "Hiruko akordio bat gustatuko litzaiguke", esan du Vicentek, baina erantsi du patronalaren proposamenak ez zuela "inolaz ere batez besteko soldataren % 60 bermatzen". Hori "marra gorria" zen sindikatuentzat, eta "jarrerak hurbiltzea" eragotzi du.
"Akordio bat lortzea garrantzitsuagoa iruditu zaigu", defendatu du Fernando Lujan UGTren Politika Sindikaleko idazkariorde nagusiak. "Segurtasuna eta ziurtasuna nahi ditugu", gaineratu du Lujanek, eta baloratu du Lan Ministerioak arau aldaketak negoziatzen hasteko hartutako konpromisoa.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.