Nekazariek Gasteiz, Baiona eta Tafallako kaleetara eramango dituzte berriro duela urtebeteko aldarrikapenak
Traktoreek Gasteizko, Baionako eta Tafallako kaleak hartuko dituzte ostera ere asteon. Trebiñu eta Araba Elkarteak deituta, duela urtebeteko aldarrikapenak eramango dituzte Gasteizera nekazariek.
10:00etan hasiko dute protesta, gaur, astelehena, Buesa Arena aparkalekuan, eta handik erdigunera joango dira. Asteartean, ordu berean dute hitzordua, baina Jundizen elkartuko dira, protesta Mercadonaren plataforma logistikora eramateko.
Mercosurreko akordioaren gaitzespena, elikagai-katearen legearen betearazpena, salneurri justuak, makroproiektu fotovoltaikoen ezespena, otsoaren babesaren amaiera eta hidrokarburoen zergen errefusa izango dituzte aldarri.
Lehenengo hiru puntuek nekazariek dituzten diru-sarrera txikiekin dute zerikusia, nekazariek bi mehatxu zuzen dituztelako horrekin lotuta: lehenengoa, Mercosurreko herrialdeekin (Argentina, Brasil, Paraguai, Uruguai eta Venezuela) egindako akordioa, hango produktuei muga-zergak murrizten dizkiena.
Herrialde horietan, gainera, ekoizpen baldintzak eta neurri sanitarioak ez dira Europak ezarritakoak bezain zorrotzak; horrenbestez, askoz produktu merkeagoak ekoitz ditzakete.
Bigarrenak, elikagai-katearen legea betetzea eskatzen du, kostuak ordaintzeko adinako prezioak bermatzeko.
Gainera, otsoaren babesarekin lotuta, kontrol handiagoa exijitzen dute, abeltzaintzan triskantza eragiten duten erasoak saihesteko.
Azken puntuak Arabako makroproiektu fotovoltaikoek lur emankorrak hartzeko duten arriskuaz ohartarazten du.
Baionako manifestazioa
Nekazari talde batek manifestazioa deitu du Baionan, hori ere astelehenerako. Horrela, 10:00etan hasita, kalean izango dira berriro Iparraldeko nekazariak, Gipuzkoa eta Lapurdi arteko mugako protestak egin zituztenetik zortzi hilabetera.
Mobilizazioak A-63 autobideko trafikoari eragingo dio.
Kontzentrazioa, Tafallan
Nafarroan ez da nekazari eta abeltzainen protestarik izango Iruñea erdigunean. Horren ordez, Tafallan mobilizatuko dira. 11:30ean Nava industrialdean elkartuko dira eta 13:00etan komunikatua irakurriko dute.
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".