Albiste izango dira: Talgo erosteko eskaintzak, adimen artifizialaren goi bilera Parisen eta gerra komertziala
Honako gai hauek hartuko dituzte gaur, 2025eko otsailaren 10ean, hedabideetako lerroburu nagusiak:
- Talgo erosteko eskaintzak: Talgoren % 29,7 kontrolatzen duen Trilantic funtsak datorren otsailaren 14a jarri du epemuga bere zati horren truke eskaintzak jasotzeko. Oraingoz, Sidenorrenak eta Poloniako Garapen Funtsarenak (PFR, ingelesezko sigletan) dira mahai gainean dauden eskaintzak baina, hirugarren bat etor liteke, Jupiter Wagons indiarrarena. Sidenorrek (Espainiako eta Eusko Jaurlaritzaren aukera) hobetu egin du bere eskaintza, eta lehen akzioko 4 euro ordaintzeko prest bazegoen, 4,8 euroraino igo du eskaintza. Sidenorrek Finkatuz euskal funts publikoa eta BBK eta Vital Kutxa fundazioak izango zituen lagun, 177 milioi euro jarriko baitzituzten guztira Talgoren % 29,7 hori erosteko.
- Adimen artifizialaren goi bilera Parisen: Gaur-biharretan adimen artifizialari buruzko nazioarteko goi-bilera egingo da Parisen. Frantziak eta Indiak antolatuta, munduko ehun bat estatutako ordezkari, enpresa teknologikoen buruzagi, eta sektore askotako profesionalak bilduko ditu, adimen artifizialaren inguruko araudiak adoste aldera. Diplomazioarako eta inbertsioetarako ere baliatuko dute gailurra.
- Gerra komertziala: Gaurtik aurrera, AEBk inportatutako altzairu eta aluminioak % 25eko muga-zergak izango ditu. Horrez gain, asteartetik hasita, Ameriketako Estatu Batuetako (AEB) produktuei ezartzen dizkien muga-zerga berdinak jasoko dituzte bueltan euren produktuak AEBn saldu nahi dituzten herrialdeek. Txina da bi metal horien ekoizle nagusia, beraz, baliteke Pekinek zerga gehiagorekin erantzutea. Hain justu, gaur sartu dira indarrean AEBko hainbat produkturi Asiako erraldoiak iragarritako % 10-15eko muga-zergak.
Albiste gehiago ekonomia
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.
Bigarren Hezkuntzan eta Lanbide Heziketan eskainitako irakasle-plazen % 17 hutsik geratu dira Nafarroan
Eskainitako 473 plazetatik 84 ez dira bete. Lehen Hezkuntzan, berriz, ia ez da lanposturik geratu bete gabe.