EAEn jaitsi egin da langabezia otsailean, 908 langabe gutxiago zenbatuta; Nafarroan mantendu egin da
Euskal Autonomia Erkidegoko enplegu bulegoek 908 langabe gutxiago zenbatu zituzten otsailean, aurreko hileko datuekin alderatuta. Hala, 108.453 langaberekin, % 0,83 egin du behera langabeziak.
Nafarroako Foru Erkidegoan, berriz, ia mantendu egin da lanik gabeko herritarren kopurua: 30.678 langabe zeuden otsail amaieran, urtarrilean baino 2 gehiago.
Halaber, Espainiako Gobernuaren Lan eta Ekonomia Sozialaren Ministerioak emandako datuen arabera, urteartekoa ere jaitsi egin da bi erkidegootan: EAEn % 1,89 egin du behera (2.092 langabe gutxiago), eta, Nafarroan, % 1,16 (359 gutxiago).
Lurraldeka, Bizkaian izan da jaitsierarik handiena, urtarrilean baino 524 langabe gutxiagorekin (- % 0,85). Iazko datuekin alderatuta, berriz, 1.241 pertsona gutxiago zeuden lanik gabe (- %1,99). Denera, 61.237 herritar daude langabezian lurralde horretan.
Gipuzkoan, berriz, 28.641 langabe zeuden otsailean, urtarrilean baino 320 gutxiago (- % 1,10); urteartekoari erreparatuta, 524 langabe gutxiago erregistratu ziren (- % 1,80).
Azkenik, Arabako langabeen kopurua 18.575ekoa zen amaitu berri den hilabetetan: aurreko hilabetearekin konparatuta, 64 gutxiago (- % 0,34), eta iazko datuak kontuan hartuta, 327 gutxiago (- % 1,73).
Beti bezala, langabetuen artean emakumeen kopurua handiagoa da gizonena baino. EAEn 62.755 dira emakume langabeak, eta 43.698 gizonezkoak. Nafarroan, berriz, 11.788 gizonak dira eta 18.890 emakumeak.
Afiliazioak
Bestalde, Gizarte Segurantzan 3.391 afiliatu gehiago zeuden otsailean Euskadin, hau da, % 0,33 gehiago, aurtengo lehen hilabetean baino.
Nafarroan ere hazi egin dira afiliazioak: % 0,69, aurreko hilarekin alderatuta (2.134 afiliatu gehiago), eta % 1,57, iazko datuak kontuan hartuta (4782 afiliatu gehiago).
Jaurlaritzak, balorazio "positiboa"
Eusko Jaurlaritzako Ekonomia, Lan eta Enplegu Sailaren arabera, "enpleguak Euskadin bere alde ona erakutsi" du berriro ere otsailean. "Gizarte Segurantzako afiliazioak gora egin du eta sektore gehienetan, ia adin tarte guztietan, lurralde guztietan eta bai gizonen eta bai emakumeen artean langabeziak behera egin du".
Ohar batean, Gasteizko Exekutiboak nabarmendu du "otsaila aurreikuspen zaileko hilabetea izaten den arren", datu "positiboak" berretsi direla. "Horrek bultzatzen gaitu lanean jarraitzera, enplegu bila dabiltzan pertsona guztiek aukera bat izan dezaten", erantsi du.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".