Arrainaren kontsumoa % 30 jaitsi da EAEn, eta % 21 Nafarroan, hamarkada bakar batean
Azken urteotan inguruko elikadura-ohiturak aldatu dira: gutxiago kozinatzen dugu eta aurrez prestatutako janari gehiago jaten dugu. Testuinguru horretan, arraina, itsaskiak eta horien kontserben kontsumoak beherakada handia izan du azken hamar urteetan, EITB Datak bildutako datuen arabera.
Euskal Autonomia Erkidegoan urtean 34 kilo kontsumitzetik 24 kilo kontsumitzera igaro da, hau da, kontsumoa % 30,1 jaitsi da. Nafarroan beherakada txikiagoa izan da, % 21,9koa, eta 27 kilotik 21era pasa da.
Beherakada hori Espainiako Estatuko erkidego guztietan gertatu da, izan ere, jaitsieraren batez bestekoa % 31,7koa izan da, orotara.
Itsaskiek EAEko eta Nafarroako etxeetako elikagaien % 4 osatzen dute. Jaten dugunaren herena baino gehixeago frutak eta barazkiak dira ( % 33,6 eta % 36,7, hurrenez hurren). Eta esnekiak, zerealak eta lekaleak, gero.
Haragiaren kontsumoa arrainarena halako bi da. Bi autonomia-erkidegoetan % 8 inguru kontsumitzen dute.
Arrainaren kontsumoan, liderrak
Jaitsiera izan den arren, Araba, Bizkai eta Gipuzkoako biztanleek urtean batez beste 24 kilo arrain, itsaski eta kontserba kontsumitzen dituzte pertsonako, eta itsasoko produktuen Estatuko eta Europako kontsumitzaile handienak dira. Nafarroan, batez beste 21 kilo kontsumitzen dira pertsonako eta urteko. Han ere Estatuko batez bestekoa gainditzen da, 18 kilotan baitago.
Arrain gehien jaten den autonomia-erkidegoak, EAEz gain, Galizia (23 kg) eta Gaztela eta Leon (22 kg) dira. Harrigarria den arren, kontrako aldean kostaldean dauden bi erkidego nabarmentzen dira: Kanariak (13 kg) eta Valentzia (16 kg).
Europara begiratuz gero, Portugalen EAEko antzeko datuak dituzte; 23,5 kilo jaten dituzte han. Inguruko beste herrialde batzuek, ordea, askoz datu apalagoak dituzte. Frantzian, adibidez, 14 kilo kontsumitzen dituzte batez beste; 12,9 kg Italian, 9,7 kg Suedian... Alemanian, berriz, oso arrain gutxi jaten dute, 5,4 kg urtean, pertsonako.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.