EH Bilduk eta Confebaskek industria-politikari eta gutxieneko soldatari buruzko iritziak partekatu dituzte
EH Bilduren eta Confebask patronalaren ordezkariek egungo egoera ekonomikoa aztertu dute, goizean Bilbon egin duten bileran. Besteak beste, fiskalitateari, lanbidearteko gutxieneko soldatari eta industria-politikei buruzko jarrerak partekatu dituzte.
Koalizio independentistak eragile ekonomiko eta sindikatuekin joan den astean hasitako bilera-sortaren barruan kokatzen gaurko batzarra. EH Bilduren aldetik, Pello Otxandiano, Nerea Kortajarena eta Ander Goikoetxea joan dira hitzordura, eta Confebasken izenean, Tamara Yague presidentea eta Eduardo Aretxaga zuzendari nagusia. Amaieran hedabideen aurrean egindako adierazpenetan, Otxandianok azaldu du "ondo" joan dela bilera, "jakina den bezala", bi aldeen arteko jarrerak "ia gai guztietan" oso urrun dauden arren.
EH Bilduk uste du "ziklo ekonomiko berri baten hasieran" gaudela eta bazela garaia "erabaki garrantzitsuak" hartzeko. Zentzu horretan, "egoera ondo neurtu eta eztabaida ezberdinak modu koherentean" egitea ezinbestekotzat jo du Otxandianok, eta horretarako, bilera-sortan jasotako "ikuspegiak" Eusko Legebiltzarrera eramango dituzte.
EAErako gutxieneko soldata propioaren eztabaidari dagokionez, koalizioak patronalari eskatu dio sindikatuekin "eseri eta negoziatzeko". Akordiorako aukerak ikusten ditu EH Bilduk gai honetan, eta iritzi dio Confebasken jarrera ez dela ulertzen. Halaber, uste du Eusko Jaurlaritzak "bitartekari" lana egin behar duela gai honetan, eta ez dela ari horretan.
Bere aldetik, ohar batean, Confebaskek jakinarazi du erreforma fiskalari buruz EAEko enpresek duten iritzia helarazi diola EH Bilduri. "Lan kostuen igoerak, absentismo tasa altuak eta arrisku geopolitikoek euskal enpresen lehiakortasuna arriskuan" jartzen dutela azaldu du patronalak bileran.
Horrez gain, "Euskadiren ongizateari ekarpena egiten lehenak" enpresak direla ere agertu du Confebaskek, eta nabarmendu "enpresen ekarpenik gabe", ez dagoela "ez onura sozialik ez kolektiborik" euskal gizartearentzat.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.