Hezkuntza Sailak proposamena egin die sindikatuei, eta greba deialdiari eutsiko diote
Eusko Jaurlaritzako Hezkuntza Sailak lan-hitzarmenak berritzeko proposamen bat helarazi die sektoreko sindikatuei, asteazken honetan izan duten negoziaziorako bileran. Hezkuntza Sailaren arabera, proposamenean irakasleen soldata igo, irakastorduak jaitsi, baliabide gehigarriak igo eta plantilla gaztetzeko planak sartu dituzte.
Horrez gainera, sindikatuei eskatu diete hurrengo asteetarako deituta dauden grebak bertan behera utzi ditzatela, baina ez dute horrelakorik onartu. ELAren esanetan, testu berria "urrun dago onargarria" izatetik. LABek, bere aldetik, "zehaztapenak falta" direla eta azaldu du ez diela erantzuten "kalitatezko hezkuntza publikoak dituen beharrei".
Eusko Jaurlaritzaren proposamen berria LAB, STEILAS, ELA eta CCOO sindikatuek egindako azken greba deialdien ondoren etorri da. Martxoaren 25, 26 eta 27an eta apirilaren 1ean eta 2an mobilizatzera deitu dituzte irakasleak eta sukaldeetako zein garbiketako langileak, urtarrila eta otsailean egindako grebei segida emanez.
Hedabideetara bidalitako ohar batean, Hezkuntza Sailak azaldu du proposamenak "modu argian erantzuten" diela sindikatuen eskaera nagusiei, baina onartzen du oraindik badaudela "gehiago zehaztu beharreko puntuak". Azaldu du negoziaketetan "aurrera jarraituko" dutela, eta jakinarazi bi aldeak "akordioa lortu arte beharrezkoak diren aldi guztietan elkartuko" direla.
Sindikatuek, ostera, borrokan jarraitzeko deia egin dute euren webgune eta sare sozialetan. ELAren aburuz, azken proposamenak aldaketa eta hobekuntzak ekarri ditu, baina ez dira nahikoak. "Erosahalmenaren % 20 galdu ondoren", Jaurlaritzak proposatu duen "% 3ko soldata igoera" motz gelditzen dela iritzi dio. Gainerako eskariei dagokienez, neurriak eta konpromisoa falta dela azaldu du.
Bere aldetik, LABek lan zama jaistean eta baliabideetan jarri nahi izan du azpimarra eta azaldu du "azken zirriborrotik ia ez" dela "aurrerapenik egon". Aniztasunari erantzuteko, euskalduntzea bermatzeko eta ikuspegi feminista txertatzeko baliabideak behar direla dio eta adierazi du horri buruz ez dela erantzun zehatzik eman.
Bi sindikatuek egindako borrokari egotzi diote Hezkuntza Sailaren azken proposamena eta borrokan jarraitzeko deia egin dute.
Zure interesekoa izan daiteke
Laudioko alkatearen ustez, “oso albiste ona” da Guardian eta Glavista salbatzeko egon daitekeen akordioa.
VSF Frantziako enpresa eta Alacanteko Gaviota azken akordioa ixtear daude, Aiaraldeko bi enpresa salbatzeko. Elkarren artean estuki lotuta daude eta, guztira, 400 langile baino gehiago enplegatzen zituzten.
Abian da errenta kanpaina Araban eta Gipuzkoan, eta gaurdanik autolikidazio proposamena onartu daiteke
Astearte honetatik, apirilak 7, Arabako eta Gipuzkoako ogasunek egindako autolikidazio proposamenak onartu edo aldatu ditzakete zergadunek. Ostegunean, apirilak 9, hasiko da errenta aitorpenaren kanpaina Nafarroan, eta apirilaren 15ean, berriz, Bizkaian.
Gaur hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 lagunek inguru egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea Rentafacil izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.