Zabalik da ibilgailu berria erosteko 3.500 eurora arteko dirulaguntza eskatzeko epea
Gaurtik, apirilak 1, zabalik da ibilgailu berria erosteko 3.500 eurorainoko dirulaguntza eskatzeko epea, Eusko Jaurlaritzaren 'Emisio Txikiagoko Ibilgailuak' programaren barruan. 08:00etatik eskatu daitezke laguntzak, Energiaren Euskal Erakundearen web orrian egokitu duten formularioa beteta.
Ibilgailu zaharra txatar bihurtu eta emisio gutxiago sortzen duen ibilgailua erostea da programaren helburua, eta, aldi berean, autogintza babestea. Zenbait baldintza bete behar dira laguntzak eskatzeko:
- Diruz lagunduko diren ibilgailuak izan daitezke elektrikoak, hibrido entxufagarriak, autonomia hedatukoak edota gas natural, gasolina zein gasolio bidezkoak. Baldintza da CO2 emisioa 125 g/km-tik beherako izatea autoen kasuan, eta 150 g/km-tik beherakoa, furgoneten kasuan.
- Eroskitako ibilgailuaren gehieneko prezioa, oro har, ezin izango da 40.000 eurotik gorakoa autoetarako, eta 75.000 eurotik gorakoa hidrogeno-autoetarako.
- Laguntzak gaurtik aurrera egindako erosketei aplikatuko zaizkie, baldin eta erosketa egun horretatik aurrera egin bada eta osorik ordainduta badago. Hau da, joan den astean erositako ibilgailuak, adibidez, ez dira diruz lagunduko.
- Ibilgailu zaharrek 20 urte edo gehiago izan behar dituzte, eta txatar bihurtu behar dira, nahitaez.
- Laguntzaren tramitazioa fase bakarrean egingo da, ibilgailua erositakoan.
Programak 5 milioi euroko hasierako inbertsioa izango du, 2.000 auto eta furgoneta inguru ordezkatzeko helburuarekin. Eusko Jaurlaritzaren arabera, guztira, 24.000 tonatik gorako CO2-emisioak saihestuko dira, hau da, 16.000 etxek sortzen duten emisioaren parekoa.
Albiste gehiago ekonomia
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".