Barakaldo, zona tentsionatu izendatutako Bizkaiko lehen udalerria
Barakaldo Bizkaiko lehen udalerria da, eta Euskadiko laugarrena, tentsionatutako etxebizitza-eremu izendatua, 2023ko Etxebizitzari buruzko Estatuko Legearen arabera. Neurria hiru urtez egongo da indarrean, eta helburua da alokairuaren prezioei eustea, batez beste 769 eurotik gorakoak baitira, eta etxebizitza eskuratzeko aukera hobetzea, hiri horretan familiek beren diru-sarreren % 32,8 alokairua eta oinarrizko gastuak ordaintzeko erabiltzen baitute.
Lehen fase honetan, mugak bost higiezin baino gutxiagoko jabe txikiei eragingo die, eta haien prezioak Espainiako Estatistika Institutuare hileko erreferentzia-indizera egokitu beharko dituzte. Hala ere, araudia oraindik ezin izango zaie osorik aplikatu edukitzaile handiei; izan ere, Euskadik ez du prezioak mugatzeko behar den indize autonomikorik, eta tresna hori ez da Bizkaian indarrean sartuko udara arte.
Tentsionatutako zona izendatzeak Barakaldoko Udala behartuko du, alokairua kontrolatzera eta, horrez gain, ekintza-plan bat garatzera; babes ofizialeko 600 etxebizitza eraiki beharko ditu eta hutsik dauden 1.800 etxebizitza mugiarazi, Bizigune programaren bidez.
Barakaldo da Bizkaian tentsionatutako zona izendatu duten lehen herria, eta eremu tentsionatu izendatu duten lehen euskal hiri handia ere.
Barakaldoren kasuan, udalerri osoa etxebizitza-eremu tentsionatu bihurtuko da. Hemendik aurrera, etxebizitza alokatzeko kontratu berriek ezingo dute gainditu higiezinen tipologiaren arabera ezarritak erreferentziako gehieneko prezioa.
Barakaldon, etxebizitza baten alokairuaren batez besteko kostua, oinarrizko gastuez gain, bizilagunen errentaren ia % 33 da; herri bat tentsio-eremutzat hartzeko muga baino hiru puntu inguru handiagoa. Are, azken bost urteetan, jabetzako higiezinen eta alokairuaren prezioa % 3 igo da udalerrian.
Albiste gehiago ekonomia
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.
BPGa % 2,2 handitu da Euskadin 2025eko bigarren hiruhilekoan
Eustatek zabaldutako datuen arabera, urte arteko hazkundea % 1,4koa izan da, hau da, aurreko urteko bigarren hiruhilekoan baino 14 035 lanpostu gehiago sortu dira aurten.
Horrelakoa izango da 2027tik aurrera egingo den euskal aireportuen handitzea
Loiuk, Forondak, Hondarribiak eta Noainek hobekuntzak egingo dituzte instalazioetan, Aenaren 2027-2031 inbertsio-planaren barruan, 13 milioi euroko inbertsio globalarekin.
Amnistia Internazionalak Jerusalemgo tren arinaren proiektua bertan behera uzteko eskatu dio CAFi
Gobernuz Kanpoko Erakundeak salatu duenez, tranbia-lineak zabaltzeak legez kanpoko asentamendu israeldarrak sendotzen eta Jerusalem ekialdea anexionatzen laguntzen du.
Greba mugagabea deitu dute Maderas de Llodio enpresan irailaren 22tik aurrera
Ohar batean, enpresa-batzordeak salatu du enpresak "ekoizpenaren % 40 beste lantokietara eramateko asmoa" iragarri duela. "Horrek deslokalizazioa suposatzen du, Madelas de Llodioko lantegiaren eta gure eskualdearen etorkizuna arriskuan jartzen duena".
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.