Indarrean sartu da Txinak AEBko ondasunei ezarri dien % 125eko muga-zerga
Txinak AEBtik inportatutako ondasunei ezarri dien % 125eko muga-zerga indarrean sartu da larunbat honetan, munduko bi ekonomia handienen arteko gerra komertzialaren azken atalaren baitan.
Ostiralean iragarri zuen neurria Estatu Kontseiluko Muga-zergen Batzordeak, Washingtonek Txinako esportazioei % 145eko muga-zerga ezarri izanari erantzuteko asmoz.
Txinako Merkataritza Ministerioak "herstura" neurriak hartzea egotzi dio AEBri, eta azken muga-zergen erasoaldia "zentzu ekonomikorik gabeko zenbaki jokoa" dela kritikatu du.
Ministerioak gehitu du AEBko produktuek jada ez dutela "benetako merkaturik Txinan", eta bestelako zerga batzuk ezartzea "hutsala" izango litzatekeela.
Lian Jian Atzerri gaietarako bozeramaileak ostiralean esan zuen Txinak ez duela gerra komertzialik nahi, baina ez dela "horren beldur", eta Washingtoni ohartarazi zion presioak bazterrean uzteko, tentsioak "elkarrizketaren bidez" baretu nahi baditu.
Txinak Merkataritzaren Mundu Erakundearen aurrean beste salaketa bat aurkezteko asmoa du, baina aitortzen du eragina apala izango dela, AEBren blokeoa dela eta.
Guzti horren aurrean, Donald Trump AEBko presidenteak ohartarazi du "Txinari kalte handiagoa" egingo diotela Beijingo Gobernuaren neurriek, eta "baikor" agertu da akordiorako aukeren aurrean. Gainera, Karoline Leavitt bozeramaileak azpimarratu du AEBk "kolpe bat jasotzen duenean, indar handiagoz erantzuten" duela.
Europar Batasunak, bestalde, errepresaliak iragarri ditu gerra komertzialari irtenbide negoziatua eman ezean, eta uste du AEB Europa baino gehiago kaltetuko duela.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.