Euskadiko BPGa % 2 igo da eta landunen kopuruak % 1,5 egin du gora 2025eko lehen hiruhilekoan
Euskadiko Barne Produktu Gordina (BPG) % 2,0 igo da 2025eko lehen hiruhilekoan, aurreko urteko hiruhileko berarekin alderatuta; landunen kopuruak % 1,5 egin du gora, Eustatek egindako hiruhilekoko kontu ekonomikoen aurrerapenaren arabera.
Aurreko urteko laugarren hiruhilekoarekin alderatuta, Euskal Autonomia Erkidegoko Barne Produktu Gordina % 0,6 hazi da.
Txostenaren aurrerapena egiteko unean zegoen informazio ekonomikoaren arabera, urteko lehen hiruhileko honetako hazkundea industriaren eta, bereziki, eraikuntzaren bultzadek ekarri dute, Eustatek adierazi duenez.
Landun kopurua, lanaldi osoko lanpostu okupatuak neurtuta, % 1,5 igo da iazko datuarekin alderatuta; 14.000 landun gehiago daude, alegia. Aurreko hiruhilekoaren aldean, % 0,4ko hazkundea zenbatu da.
Zure interesekoa izan daiteke
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta bitartekariak (Visa, Mastercard…) ezabatuko dira. Massimo Cermelli ekonomialariaren ustez, Bizum "erakargarria izan daiteke saltoki txikientzat batik bat", komisioetan aurreztu dezaketelako.
Urteko laugarren greba astea hasiko dute astelehenean sendagileek, negoziazioek kale egin ostean
Ia nobedaderik gabe iritsi da bata zuridunen laugarren lanuztea. Gatazka itopuntuan dago, eta greba batzordeak Pedro Sanchez Espainiako Gobernuko presidenteak esku hartzea nahi du. PPk eta EAJk bat egingo dute eskaera horrekin.
Amurrioko Tubos Reunidoseko langileak lanera itzuliko dira astelehenean, grebaren ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.
Tubos Reunidoseko langileak greba mugagabearen etorkizuna erabakitzeko batzarra egiten ari dira
Tentsio handia da Amurrioko lantegian, azken mugimendu sindikalen eta hartzekodunen konkurtsoaren osteko eszenatoki-aldaketaren ondoren.
Ekainaren 1era arte irekiko dute Tubos Reunidoseko konkurtso-administratzaile izateko hautagaitzak aurkezteko epea
Gasteizko epaitegi batek Tubos Reunidos taldeko zazpi sozietate hartzekodunen borondatezko konkurtsoan deklaratu zituen joan den asteartean, eta PKF-Attest Concursal izendatu zuen horien konkurtso-administratzaile.
LAB Tubos Reunidosen greba bertan behera uzteko aukeraren alde agertu da, eta ESK-k luzatzearen alde egin du
Bi sindikatuek, ELArekin batera, batzarra deitu dute ostiralerako, lanuztearekin jarraitu ala ez erabakitzeko.
CAFen Beasaingo eta Irungo lantegietan enpresaren azken eskaintza ontzat eman dute
Hiru urteko iraupena izango du akordioak, eta, besteak beste, soldata igoera eta zenbait kolektibotan lan-orduak murriztea adostu dute. Enpresak konpromisoa hartu du gutxienez 190 langile kontratatzeko Beasainen, eta beste 40, Irunen.